قصيدة :بس انه
الرادود :سيد فاقد الموسوي
الشاعر :حمزة الحسناوي

ـــــــــــــــــــــــــ ـــــــــــــــــــــــــ
هذاك انته البعيد الواكف اتناطر
اشوفك تلتفت وتدنك او حاير
يبو الصدر الوحيد اليكسر الخاطر
الراح ايمر عليه فوك الالف حافر
وحيد امبين امن ابعيد يشهك
الان سبعين مره حسين دنك
وحيد بلا ضهر ويريد عوانه
من دم ولده بلل كلبه وردانه
كتله اشكد بقو واقصد عله خوانه
باوعلي وبجه وكلالي بس انه
ايدك تحسب اشجم راس رادت
كلما تكضي تلكه الروس زادت
يالمطشر ابكد ماصيحت بسمي
المك وارجع وكالو بعد لمي
اطيح والكه دمك شابك بدمي
وين اعثر بعد والكاك مو يمي
يالموزع ابكد ماكمت اطوفك
شني اوكلما ركضت ابعيد اشوفك
عدل مو اله اشوفك ميته اتمنه
اثر منه المهم بس كون اشوفنه
عبر جيش اعله صدرك صحتك اتدنه
التراب الفوك ثوبك صرت اخف منه
جسم كل مايمره الحافر ايقل
خياله اشما تسحكه الخيل ينزل
حاجيته اوسكت رديتله انوبه
شفت هوسه وبصفه الدنيه مكلوبه
رحتله ومتمنه بس رديت مرعوبه
لكيت اجروحه ثوبه لو ماشفت ثوبه
بجيت بكلبي خاف امن ابجي الجمه
المسلب وساتر جسمه دمه

ـــــــــــــــــــــــــ ــــــــــ
الكاتب
ابراهيم خليل