هاي أشلون حيره أنوب ب طال
غيابه ولا الشامت ضحك ب طل
ألي ؟؟؟ حسرة معزب گعد بطال
أجيوبــه وگمگـه فرغن ســويــــــه





أوجف وأنجبـح ع ألـگاع وأنعيـت
أبلشـت بعضـآي فوس ألبيـن وأنعيـت
نحـت وأتگـبعت بتـرآب وأنعيـت
ربـآبـة كاولـي ومچـتول أخيـه





برجه النايح دليلي هيج ريـــــلاك
تجي وسجة ضلوعي درب ريلاك
اعله واشك من تحط ياترف ريلاك
جروحي اغماك لاتنهطر بيـــــــة





ﺻﻼﺓ ﺍﻟﻨﻮﺡ ﺑﻮﻧﻴﻨﻲ ﻟﻬﺎﺫﺍن
ﺑﺠﻔﺎﻙ ﻭﺗﻨﺤﻨﻲ ﺩﻣﻮﻋﻲ ﻟﻬﺎ ﺫﺍﻥ
ﻋﻠﻜﻴﻔﻚ ﻟﻮ ﻛﻠﺖ ﺭﺍﻳﺢ ﻟﻬﺎ ﺍﺫﺍن
ﺍﻟﺤﻴﺎﻃﻴﻦ ﻭﺗﺒﺚ ﻟﻠﺸﻤﺖ ﺑيه





اكره ملكه المغنتب وما طيك
عشرته وبابه ما اجهبه وما طيك
برهاتي اقتات انه العلكم وماطيك
ولا زاد الثكل ويهه عليه





خفت بعكاله ذاك من طرش غاد
يخطب وآنه واكف منطر شغاد
يربي هي دعوة من طرش غاد
اعله اذاني التسمع يشمتون بيه





اتطشر روحي وآنه ما لمنها
عبن طكات غربه ما لمنها
جلمة آنه يمك مال منها
أنه بس آنه يمي وهاي هيه





وحك الصار توّه والتوابت
تكطع بت ابكلبي والتوابت
تريد افرح يخايب؟ والتوابيت
ك ناكوط الحب يمرن عليه





اخسرت كلشي واكولن سالمه الحاي
وملح منطي لحد ما سال ملحاي
العجيبة مو الميت سالم الحي
العجيبة جفوفه تتسالم بدية




بغابة ناس شفت هناك في يار
في ..وآنه والله معتاز فيار
الغريب بفصلي شفته دفع فيار
واقرب ناس الي كطعوش بيه