علمنه حتى اطفالنه وحلوه القناعه
عدنه علي وهنيالنه اشعدهه الجماعه
الاول علي وتالي قائدنه هو
ماكو شبه للغالي چا هيَ گوه

علي علي علي

نحبك للذكر اسمك عباده
بايعناك من قبل الولاده
لغيرك حيل مو حلوه القياده
علي الزلمه علي علي الكلمه علي
علي النعمه علي نعم قدوه علي
نفس هو علي صدگ يسوه علي

طگ راسك بالحايط خالي
غير الاول « ما يحلاله»
من زغري ومكتوبه گبالي
غير الاول « ما يحلاله»
ومخبل وبهذا اخبالي
غير الاول « ما يحلاله»
شيخ وكاتبها اعلى اعگالي
غير الاول « ما يحلاله»

الدنيا لو مابيها حيدر كل طعم مابيهه
على گولت امي وحشه وحيدر امحليهه
2×

صاعد ضغطهم صاعد ميت قهر يالحاقد
هو الهيبه فوگ الهيبه حيدر امير وقائد
2×

ربك كريم وجابها انطاك الكرامه
الجنه بيدك بابها بيوم القيامه
اسمك حرز للعافيه وياهو اليبيعه
يالعدنه كُلش كافيه ايسمونه شيعه

علي علي علي

نحبك لا طمع لا عدنه غايه
گبل لا ندري تنزل بيك ايه
بالذر واحنه حبينه الولايه
علي الفزعه علي علي الشمعه علي
علي انتبعه علي حسن سيره علي
هوا الغيره علي ضوا الديره علي

والخانك غاد يلگفونه
جد جده هناك ايشعلونه
والميحب حيدر يلگونه
جد جده هناك ايشعلونه
ابسيطرة الجنه اينزلونه
جد جده هناك ايشعلونه
واحد وتحد يتذكرونه
جد جده اهناك ايشعلونه


انت ابونه ونعمه حبك
الله عالحب شاهد
طاقه ايجابيه اسمك
يا جناب الوالد
2×

صاعد ضعطهم صاعد ميت قهر يالحاقد
هو الهيبه فوگ الهيبه حيدر امير وقائد
2×