الك گلبي يدگ « علي»
يسلطان العشگ « علي»
اموت واحترگ
اذا يومين ما زرت
على الباب العطر « علي»
جمال وهم سحر « علي»
علي يعزل الگمر
المناره نورت
غيمة مطر شوگي
وتناثرت فوگي
يالحبك بجسمي
ويتمشى بعروگي
اطيب هوى بريتي
عطرك يعافيتي
كل عمري اضل يمك 2×
بالحضره انا امنيتي
يا علي انت اميري يا علي الامير 3×
علي الرقم الصعب « علي»
اله والهله الگلب « علي»
اروحن فدوه اله
علي الحب والحرب
هله بحيدر هله
القياده تلوگ اله
بذكر حيدر علي تسير القافله
ارض وسما تريده
والنبي شال ايده
اتنصب الشيخ العام
والله اكتمل عيده
مدري شحچه وياها
والشمس رداها
لحد هسه بالكرار الدنيا تتباها
يا علي انت اميري يا علي الامير 3×
بقواميس الهوى « علي»
علي الحب والدوى « علي»
علي لكلشي ضوى
علي الحب والحرب
علي وغيره فلا « علي»
بالدنيا اكو فتى « علي»
علي نور العلى
الرسول الله اخو
اسأل على اعلومه
من ترعد اغيومه
من صوت فقاره
الدنيا مصدومه
حيدر يبو الساده
يا قائد القاده
طب للحرب بيدك
سيفك وسجاده
يا علي انت اميري يا علي الامير 3×


لــــــــ حيدر الكردي