قصيدة:(نوك جابولي)
الرادود: ملا مچتبى الكعبي
الشاعر: محمد جاسم العقابي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــ

جابولي نوگ وصيحو هاي الهزيله البت علي
وهنا عرف گلبي بعد ماكو يخويه اتدللي
ايتامي تبچي لصعدتي وعيوني تبچي لكافلي

يابو الفضل ... جابو هزل
بهاي تاليه ... انوخذ بيها ... يا شلت الحال
يهل الگلب ... حالي صعب
وانه مچتوفه ... بنوك مكشوفه ... والحادي چتال
والله دلال ... من خيم ساده للهزل
نضم الحبال ... بس گلبك يحس بالحبل
عندي سؤال ... شتكول ارد يابو الفضل
ـــــــــــــــــــــــــ ـــــــــــــــــــــــــ ـــــــــــــــــــــــــ ـ

تعدينه من المشرعه ونعصر گلبي ودنكت
اعبر اخو يغطي الشمس
وما اشوف ضله بيا وكت
وانه الجنت طول الدرب
الكاك يمي من التفت
والله حرت لمن شفت
تعدتك نوگي ... وتيبست عروگي ... وانت عالكاع
لمن عبر ... ضعني انكسر
ناس تبچيلك ... وناس تشكيلك
صرت بگفاي ... گلبي نار بداخله
ياخويه هاي ... اقصه لحظه بكربله
امشي وراي ... اعظم كفاله بالفله

ابچيلك شما غربت
وبين گمر هاي السمه
ترضاهه يا هيبة علي
نوم الخرابه تعلمه
كلما غفت عيني بچت
والله مهظومه ... من الكعده والگومه
بكيف عداي
والله صعب اگضي الدرب
بدون خواني
بكيف عدواني
واخوتي هواي
ـــــــــــــــــــــــــ ـــــــــــــــــــــــــ ــ