القصيده : نوحو الغربته
الرادود : مجتبى الكعبي
ـــــــــــــــــــــــــ ــــــــــــــــــ
انه امه واجيت لمجلسه بدمعي
بكلب الام طبع من ينهضم ينعي
مهضومه الشهم بالهيمه يتلوه
شلونه اهده ودمعته تلجم بضلعي
ابني الما يضل ناصر اله بذاك الضهرر
ابني لمن وكع منه رجع دامي المهرر
ابني بكربله ركضو هله فوك الجمر
انه الحناني عل الترب نايم يهالوادم يخلوه
ذاك حبيبي المحد يشيله وانه ابجيله يخلوه
عينوني بمحرم وابجو لخيامه
جبتلكم قميصه بدمه واسهامه
انشره بالعزه جي كلبي يلجمني
شيصير الكلب طاح ابني كدامه
ـــــــــــــــــــــــــ ـــــــــــــــــــــــــ ــــــ
نوحو لغربته وحيرته بدمعه ولطم
ضامي وما شرب من العذب ضل منحرم
اجزع للطم للبجي من حكي ام
هاي الليالي الطم ضلوعي دمه دموعي جريه
يتسلب ابني شلون كدامي انذبح ضامي بديه
ليش الكه بناته الخيل تلحكهه
ليش الكه خيامه الكوم تحركهه
ليش الكه ينازع حدر خيل الكوم
ليش اخت اعله اخوهه الخيل تسبكهه
زينب يا جرح كلبج صعد فوك الهزل
زينب ياا اخت ضاكت تعب حد الجتل
زينب ياا مره حارت بخو يشوف الحبل
ابجولي زينب بنتي مجتوفه بناكه مكشوفه مصيبه
ابجولي زينب عافت اخوتهه وغربه خذتهه غريبه
مو للحوافر ابني كبرته تنسبي اخته حرامات
وليش نشوف خيامه محروكه خذو نوكه حرامات
غير اليتعب عينه تسلهم
زينب تعبت يمته تناام
اه اه حسييين اه حسييين
غير اكرام الميت دفنه
ليش تضل تلث اياام
ـــــــــــــــــــــــــ ـــــــــــــــــــــــــ ــ