كالو ما يبدل الثوب
علي حط للزهد عاده
ما يدرون بالقران
ما يتبدل اجلاده
علي رازق علي ناطق علي خالق
كلشي بقدرة الله
علي بأمر الله كلشي يصير
علي بأمر الله لم الطير
هو النجه من البير
يوسف من ندهـ علي
علي لو فزع مثل الصوت
علي يتبختر اعلى الموت
هو النجه من الحوت
يونس من نده علي
علي شذره بعرش مرسوم
موش بنص الگلاده
علي علي علي علي يا علي
علي حبك ملأ الكونين
بين الناس يابو تراب
الطفل يتمنى ايموت ابوه
حتى يكفله داحي الباب
علي باطن علي الطاهر علي ناصر
كلمن طاوع الله
مرحب من برز بس گال
ان ي مجندل الابطال
كلها مدنگه ماكو افعال
بس لكن برز علي
مثل الذمه سيف الحيد
يوگع عالرگاب يريد
ما ترهم عليه كل ايد
بس بأيد البطل علي
علي وجهك صفه بلونين
گد ما لاف بيه انگاب
علي علي علي علي يا علي
علي عنك گصير الناس
گالو واني ما قانع
وحنه نشوف يا مولاي
چفك بشمس طابع
علي فاهم علي عالم علي ظالم
كلمن خالف الله
سيفك من تسله انشوف
لون الارفلون ايطوف
والماروم شي معروف
وجهك لو شرق علي
منو من جمع الايات
منو من كسر چفه الالات
منو بفراش طاها البات
نايم للصبح علي
علي لو خطب حچيه
ايصير جامع يدفع بجامع
علي علي علي علي يا علي
يل هزيت ذو الفقار
يوم الكافر اتمادى
بوقت ما يگدر التلميذ
يرفع چفه لستاذه
علي عابد علي زاهد علي قائد
جيش الناصر الله
مو من راوي گال فلان
الله يريده بالقران
بلغ يا رسول الان
من بعدك تحط علي
قسيم ابين جنه ونار
ياهو النصبه الجبار
غيرك يا علي الكرار
جاوب يا محمد علي
علي يلبسمه يتنخون
كل الجيش والقاده
علي علي علي علي يا علي
رد مع اقتباس
