حيهم يشيعة صار شبل الكرار
فتحوا المضايف بني هاشم خطار
مبروك صار اول ولد __ مية هلا بالغالي
محروس من عين الحسد __ مية هلا بالغالي
هذا الشبل من هالاسد __ مية هلا بالغالي
هذا ابن كضاي الشدد __ مية هلا بالغالي
كمر جنه كمر وجهه جماله _ لاله _ شاله
علي بكلبه عشك
هيبة الحسن واسمه نزل من الله ايه _ و رايه _ هايه
فرحتنا الصدك

باقي _ حبك للأبد
غيرك_ ما احبن بعد
طاير _ وي جنح السعد
كلبي _ فرحان وعلي
هوسه _ نكلبها ونطب
شيعه _ ونسد الدرب
صاير _ محبوب الكلب
فدوة __ راحولك هلي
مكطوع راس الشارع __ فرحانه شيعة حيدر
شافوا كمرهم طالع __ فرحانه شيعة حيدر
مولود شيخ المرجله __ فرحانه شيعة حيدر
صار الحسن راعي الهله __ فرحانه شيعة حيدر
______________

عالنبي صلوا وآله
يالحسن نورك لاله
مبروك مبروك
دكوا الخشب يالساده
ومن ذهب توج القاده
سووله كاروك
2)
مزيون طوله ابن الكلف __ وملونات عيونه
والحاجب لحد الزلف __ وملونات عيونه
كلش جماله يختلف __ وملونات عيونه
بيرغ بجف حيدر يرف __ وملونات عيونه
منو يشبهه منو شيخ النشامه _ هيبة _ ونيبه
زلم من حيدره
فرحانه كلش فاطمة وباسه الصميده بيده يريده
ليث وقسوره

هيبة _ طولك يالحسن
حيدر __ بيك شكد صفن
عطرك __ من جنة عدن
لابس __ جفية علي
هايم __ بيك من الزغر
عينك __ احلى من الشذر
شيعي __ وافرح وافتخر
انته __ عشكي الأولي

ملتمه هاي الليله __ فرحانه شيعة حيدر
وتهلهل ام الشيله __ فرحانه شيعة حيدر
نلتم سوه وناخذ صور __ فرحانه شيعة حيدر
والما فرح يشبع قهر __ فرحانه شيعة حيدر

عالنبي صلوا وآله
يالحسن نورك لاله
مبروك مبروك
دكوا الخشب يالساده
ومن ذهب توج القاده
سووله كاروك