انه غديري .. وانت اميري
ما احلاه .. عيد الله .. انه غديري
~~~~~~
الحب والغرام .. اجمل كلام
عاشگ امام .. شيخ الكون يسمونه
بگلبي الزغير .. عايش امير
يوم الغدير .. كل الناس يهنونه
رسول الله للناس يبين غديره
فمن كنت مولاه عليٌ اميره
علي للفرج باب علي هيبة الدين
علي شيخ الاسلام علي كله غيره
حيدر بيتي .. وكل حنيتي
واليناه .. عيد الله .. انه غديري
~~~~~~~~
عندك جمال .. فوق الخيال
مثل الهلال .. حاجب عينك يالغالي
اقرب حبيب .. حبك غريب
سرك عجيب .. عاشگ مثلك هنيالي
اهيم بعيونك بعد عيني انته
بغديرك يبايع الك گلبي جبته
حبيب الملايين الك لايگ التاج
انه بعشر اصابع ولائي بصمته
حبي الاول .. ما يتبدل
عشت وياه .. عيد الله .. انه غديري
~~~~~~
انه وهلي .. نعشگ علي
نشهد ولي .. هيبة آذان الشيعه
حبك مثال .. ولد الحلال
راعي الدلال .. شيخ نجددله البيعه
يتعبني وكتي واروح لضريحك
تسهّل اموري علي من اصيحك
احس گلبي يرتاح من اجيك يريح
يريحة اهلنه هوه الجنه ريحك
حب خلاني .. بعالم ثاني
بايعناه .. عيد الله .. انه غديري
لـــــــــكرار حسين الكربلائي
رد مع اقتباس