خل يرفع ايده الگال احبك يا علي

صفگ گلبي گبل اديه
دبچن من صدگ رجليه
مو بس بالغدير الشيعه
بايعنا علي يوميه
اليوم الحچي بس للشيعه
فريضتنه علي ومنبيعه
اليوم الشيعي ملك الساحه
غصبا عالبقيه انطيعه
بس الخوش زلمه ايبايع
والما يدري خل يراجع
الثلاثه هناك ميفيدونك
خلاف المرتضى تضل ضايع
هذا علي يا ناس مو ياهو الچان
الله يحبه وحطه وي الاذان
مو عيد هذا لا عرس سويناه
والدعوه حصرا فقط بس للشجعان

خل يرفع ايده الگال احبك يا علي
موش من اهلنه الما يحبك يا علي
تريد الصدگ راح افيدك
گوم وياي وارفع ايدك
بايع على حتى الجنه
عاتبني اذا متريده
منحب غيره هي گوه
علي سوالفه شگد حلوه
هاك من الاخير وافهم
عشره ابلايه علي ما تسوه
كتبو اسمه عالسبوره
وتشرف الكون بنوره
دنطيني بشر بالعالم
الاسد ماخذ وياه صوره
هذا علي والما يحبه خسران
ربك مكلفه عالعدل والميزان
من نهوى نهوى شيعه
مو لعب چعاب

والما يعجبه اهواي يمه حيطان

موش من اهلنا المايحبك يا علي


لــــــــــ. احمد معلة