يا بالحسن مبروك يا بالحسن
…….
مسجل اعله اللوح عيد الله الچبير
يوم تنصيبك علي يوم الغدير
والنعم للمؤمنين انته الامير
من گلب ولسان صحنه وبالضمير
عله الخير يبو حسين. هاي المشاعر بيها روحيه
الوحي اليوم. بالآيات. جايب رساله من الله رسميه
الامر صار. على الناس. بلّغ محمد بالغديريه
صلوات. صلوات. حيدر امام الكره الارضيه

يابالحسن مبروك يا بالحسن

حگنه نتفاخر بحبك ياعلي
منهو ردتله الشمس غيرك علي
ياهو طاح بشده ما ناده علي
يفوز دنيا وآخره الواله علي
النبي صاح. يبو حسين. انطيني جفك واسمع الغايه
للاسلام. يضرغام. من ايدي صارت ليدك الرايه
بده الخير. لمن گال. من كنتُ مولاه اجمل حچايه
يشع نور. للاكوان. يوم الغدير بنور الولايه
يابالحسن مبروك يا بالحسن

الماله بالدنيا علي ياهو اله
يبقه يمشي عكس درب القافله
ياعلي اليختار غيرك نسأله
يصير تقره الفاتحه بلا بسمله
يمولاي. يمولاي. مفتاح باب الجنه بيمينك
يظل صوت الى الموت. منعوف دربك لا وحك عينك
هويناك. لكيناك. دين الله واسراره بمضامينك
بالحساب. تجينه . من الكوثر تروينه چفينك
يابالحسن مبروك يا بالحسن
………..
بيضه يوم الحشر حيدر رايتك
إنته يالإسمم امان لشيعتك
الدنيا المحليها طعم زيارتك
وعالصراط ارزقنه نظره برحمتك

علي وياك. علي وياك. بالمحشر الشيعي يكلوله
معادين. موالين. الله يميز ذوله عن ذوله
والاملاك. يهنون. كل اليبايع علي يدعوله
يصيحون. بالاسماء.. الواله علي اعماله مقبوله
يابالحسن مبروك يا بالحسن

كلمات الشاعر: حسين صادق العقابي