يا علي اليوم راح افرح
فرحة صغير من ينجح
كلهم اخطاء وانت الصح
اليوم انا غديري
ومراضي ضميري
وخل يعلى ندائي
بس انت اميري
تسلملي حروفك
يالبشده اشوفك
من گلبي اگلك
والله ما اعوفك
العافوك دنيا واخر خسرو العافوك
مبروك يا حيدر علي هالليله مبروك
بخٍ مولاي وانت اول
بدونك الدين ما يكمل
بغيرك الله ما يقبل
عيد الله عيدك
طاها رافع ايدك
موش بكيف واحد
هو الله يريدك
تستاهل لانك
اصلن ماكو منك
بجاه الفرحه هايه
لا تبعدني عنك
حبيتك وكل البشر بعيوني يلگوك
مبروك يا حيدر علي هالليله مبروك
الما يحبوك وانت الضي
خل يفحصون DNA
طهر عشناك مثل المي
صلى الله عليك
كولي في يديك
ذهابي وايابي
منك واليك
اسمعت بصوت امي
اسمك قبل اسمي
كلما ارسم الحب
يطلع علي رسمي
شافوك بعيوني ضوه يا سيدي شافوك
مبروك يا حيدر علي هالليله مبروك
لو علي يصير الرابع
تاه الانصاف بالشارع
وهيبته تروح الجامع
صح علي انسان متواضع
بس يخلو الرابع
حتى ابليس ما قانع
يا باب الهدايا
بسمك شلنه رايه
لو ما انت الهه
ما تحلى الولايه
مبروك الخلافه
يا راعي الكلافه
والاخذو مكانك
دولتهم خرافه
فشلو لانهم
مو كفو الرادو يقلدونك
مبروك يا حيدر علي هالليله مبروك
لـــــــــــــــــ ميثاق الحمداني
رد مع اقتباس