اصعد بعد اخوك العالي للعالي
ايدك خل تموت الناس البالي
تلث مرات اجاني اليوم حبرائل
عليك وگال بلغ واعلن التالي
هذا الملك نازل بيده صک مختوم
كتاب من الاله وعاجل وحالي
نفذ يا محمد هلكلام وكون
منا للعصر متشيخ الوالي
خل يكتمل دينك گبل لا يشطون
كض اچفوف اخيك واصعد بجالي
الله ايگلك اتبلغ بداحي الباب
واذا ما بلغت ما تمت اقوالي
ويگلك ربك شوي بعد ماكو نجوم
اذا مو بعد ساعه منصب الغالي
غيرك ما انصبه بقريه مو عالدين
شعليه بحچيهم صمتك تحلالي
من احطهم هسه بلغربيل يابو حسين
وحگ شواربك بس انت تصفالي
اصعد گمت اشوف الگاع تصعد بيك
لا تنچفي الوادم يالبخت مالي
اصعد خل يشيل افضالته الشيطان
الوحي نازل عليك وجاي يقرالي
وانا ادري بيك يحيدر مستحي وخجلان
تربيتي واعرفك مو استغلالي
بس هي الخلافه تريد واحد هيچ
لليفزع العركه وما يرد خالي
تريد البلحرب يلبس اخلافه انگاب
عالا يصفگوله ويوگف الغالي
الفرض صلاه بأيد وفرض ثاني بأيد
لليربي بشتاه للترسه اسلالي
للنام بمكاني وباله يم الغار
رغم يدري الخصم علباب يبرالي
المن هدو على فراشي لگو حلمان
بكثر ما مستهين بسيف چتالي
الخلافه لليطشر ولده جوه الخيل
لليكسرون ضلع ام بيته ويعدي
ويجرون بنته اعلى الهزل بلسوگ
وزلمتهن يگلهن لوذن بسدي
منو العنده مثلهن حتى اصعده هنا
منو يحمل هذن ويصير من بعدي
مابيكم نفس چا والله اليعاديه
باچر لا اعرفه ولا يجي الحدي
باچر مو تگولون الرسول انحاز
اگلكم بلوحي شيجيب ويودي
الله يگول طه اسمعني يا عبدي
لم ناسك وگلهم علي من بعدي
واذا عالحچي اعترضو گلهم الله يگول
ترى غير ابو حسين ثگيل ما عندي