عطش الايام
..................
مر بيه خريفك هزر من اعضاي
صرت وركة شجر عالكاع مرميه
غصن العمر يابس من عطش فركاك
وعشرتنه أصبحت ياصاح منسيه
بقت ذكره حسافه من تمر مرات
وقصتنه أصبحت ياحيف مطويه
التوشل صحبته شتترجه من ذكراه
رسايل عل الرفوف هناك مرميه
تسولف عالوفه وشجابك المعناه
. كل عمرك كظيته بلايه حنيه
ماهزك ضميرك تذكر الايام
اشكثر وافيتك اني بلايه منيه
فضلت عليه أمرار وانته ابعيد
وتمر المواقف هذي يوميه
من تنشد الوادم كلت جان اهنا
واعرفنك ابد مابيك كل جيه
صلف مافكرت تسأل علينه بيوم
ولا زاد وملح غزر بليليه
عرفتك من الاول مو وفي ياصاح
. لان طبعك طمع مو صادق َ النيه
.................................................. ...................
بقلم ابو عقيل الدغاري المطوكي
رد مع اقتباس
المشاركة الأصلية كتبت بواسطة YAĞMUR
