من وحي الطفوف.........................
أتنفس عطر من كرب عاشور
ماشميت مثله اباقي الايام
جنى اسمع صهيل الخيل والريح
تسمعني وحيف ونبل ال سهام
واتخيل اكبالي موذره اجساد
من انحور تنزف روح الإسلام
وصور لمة شباب امضحيه الأرواح
راحو للشهاده وكلهم اقدام
تجور الكاع عطشانه من الهموم
وعله اجروف الفرات الاف ظلام
وجن اسمع سكينه تطلب الماي
وصدى بذني طفل يبجي من الالام
اني ادري الشهامه براس عباس
السرايا اكبال عينه يشوفهه اقزام
وارسمت اكبالي الرايه والجود
اومضات الزلال الصارت احلام
ماي الجربه اكيد اتحول ادموع
والجود التهاوه بلحظته انظام

م.