عمرو جمال: حسام البدري قال لي مش هسيبك تمشي من الأهلي



كشف عمرو جمال، مهاجم الأهلي السابق وحرس الحدود الحالي، تفاصيل تمسك حسام البدري، مدرب المارد الأحمر الأسبق، بوجوده مع الفريق ورفض رحيله.
تصريحات عمرو جمال
وقال عمرو جمال خلال تصريحات إعلامية: كنت بلعب على سطر وأسيب سطرين وقت وجود حسام البدري في تدريب الأهلي، فقولت لازم أخرج للاحتراف، ووقتها رفض الكابتن حسام، وقال لي: إنت مجنون؟ أنا مش هسيبك تمشي من الأهلي، قولت له: عايز ألعب باستمرار عشان أرجع فورمتي.
وأضاف عمرو جمال خلال تصريحاته: قولت له عندي عرضين من البرتغال، بس أنا عايز أروح بيدفيست في جنوب إفريقيا، قالي: إنت مجنون؟ جنوب إفريقيا إيه اللي تروحها؟ قولت له: أنا دارس الفرقة ومتفرج عليهم.
واختتم عمرو جمال، لاعب الأهلي السابق، تصريحاته قائلا: مرضيش، ضغطت عليه، وخليت ناس تقنعه، وفعلا سافرت، واللي زعل الكابتن سيد عبد الحفيظ، مدير الكرة وقتها، إني مشيت قبل نهائي إفريقيا، ومكنش فيه مهاجمين غير وليد أزارو.
ومن ناحية أخرى، يستعد النادي الأهلي لمواجهة فريق بورتو البرتغالي فجر الثلاثاء المقبل ضمن منافسات الجولة الثالثة والأخيرة من دور المجموعات بكأس العالم للأندية.