هنا

[✿ عِشق ✿]

شكراً بناتي هذا الوقار
هذا التعبد هذا الخمار
شكراً حملتن دون انكسار
برد الليالي وحر النهار

كل خطوة تمشن عالارض
وي دمي تمشي ويه النبض
يازائرات ابني الشهيد
انتن مدد لاء الرفض

عهداً علي يوم الحشر
متظل مشقة بلا أجر
للقدمن هذا الولاء
امقدمه كل هذا الشكر

شكراً الچن شكراً هذا الوفاء
اشما شفت درب المسير وبي نساء
لمحة اشوفن من سبايا كربلاء
واشعر انقامت مراسيم العزاء

عشتنّ ألم درب السبي
وسر العذابّ الزينبي

وآل النبي...

درب الزيارت... يعرف لوعة العبرة
بأقسى العذابات... شاركتن عزه الزهرة

***************

اني الكفيلة واخت الكفيل
زينب وتراقب واهدي السبيل
يامن مشيتن لاعظم قتيل
الچن عليه رد الجميل

كل مرأة ماطبگت جفن
لحسيني من كثر الحزن
احضرها من تدعي اكيد
واحضرها لمن تندفن

والشاركتني بالدمع
والمشت بسنين المنع
هم مثلي هانت يزيد
واتباعة والبي مقتنع

والي تمشي وگاصده ارض الطفوف
چنها مثلي محجبة وبين السيوف
بيها بالمحشر وجه مسبي اشوف
عندي ملگاها مثل ملگة الضيوف

والمثلي حرگتها الشمس
والعاشت ابعزة نفس

توفي الولي....

انتن حبيبات...گلبي وحُب علي العندي
وانتن شريكات... ثاري بطلعة المهدي

**********

كل ام صبورة بدمع الحزين
شكرا اگلها من ام البنين
قدمتي ولدچ وبكل يقين
من شفتي طايح سبط الامين

شكرا لكل ام قدمت
اغلى الضنى ومتندمت
بدرب الشهادة للحسين
مثلي بولدها ساهمت

شكرا لمن والت علي
وخلاها تعرف منزلي
صارت مثلّ للتضحية
يكفيها بعيون الولي

يلي قدمتن ولد يكفي الولاء
مثلي عشتن كل حقيقة كربلاء

صرخة تصدح من جميع الانبياء
شكرا الچن امهات الشهداء

للطف صور للمفخرة
واعظم مثال لكل مرة

هذا الفخر...

لو زرتنّ حسين... تلگن منحرهَ ينادي
وفيتنّ الدين... يم مذبح استشهادي

***************


واني سكينة بنت الاباة
اشكر مواقف كل البنات
ذكرن عطشنهَ ومكدرات
كلما يشوفن ماي الفرات

افتخر بيهن لو مشن
لطمن على حسين وبچن
وتعلمن مني الحجاب
ومن الطفولة تحجبن

اشكرهن بگد ما شكر
حسيني من عمي الگمر
من ماشرب ماي الفرات
وچفوفه ظلت ع النهر


مني عرفن كل تعاليم الإله
لا ولا عافن ولا تركن صلاه
حسيني علمهن رضا الباري برضاه
مثلي عاشن حزنه وشتمن هواه

ويايه بالجنه سوه
يتنفسن نفس الهوه

يا منيتي....

مازلن بيوم .... عن درب النبي ودربي
ما مرهن النوم ... واني محترگ گلبي

***********

اشكرها واجب يوم الوعيد
من تبچي طفلة بدرب الشهيد
الذكرت دمعتي فوگ الوريد
اشعرها مثلي ترفض يزيد

كل طفلة واستني بأبي
اشعر مشت درب السبي
لمن تجي بيوم الحساب
تنعد على اطفال النبي

كل طفلة عاشت حالتي
ونازل دمعها لدمعتي
والعاشت وياية المصير
حرگتها جمرة خيمتي


خلني كل طفلة بجموع المؤمنين
مثلي ابوها اتشوفه مذبوح الوتين
من بعدها اتشوفه بعين اليقين
حتى تعرف شنهو گوم الظالمين

لو عاشت وياي الالم
وحترگت بنار الخيم

وبحسرتي...

ماتت تره وياي.... بس تعرف سبب دمعي
النحرمت الماي.... مااظن تحمل وضعي


لــــ الشاعر : نـاظم الحـاشـي
تـدوين : Zhralobaidi

http://

[YAĞMUR]

قصيدة رائعة

تسلمين عمري