هنا

[✿ عِشق ✿]

مشكور يابو عَلي....مشكور يابو عَلي

مشكور من حاسبني من خدامك
مشكور من ماحارمني من ايامك

خليت فضلك على عيني وراسي
خليت خدامك اخوتي وناسي

وياك اظل ماشي الدرب
يَحسين ودموعي تصب
تبعدني ماعندك گلب

يابو علي ...

الخدام صاروا هلّي

مشكور يابو عَلي....مشكور يابو عَلي

***************************

يحسين من خادم الك خليتني
شرّفت اليّ وبين البشر عليتني

من گلبي لجلك طلعت كل غالي
ياتاج راسي بخدمتك هنيالي

إِنتَ الوحيد من البشر
من تكرم امغمض النظر
كلمن مشه بدربك كبر

يابو علي....

وبهاي شرفت الي

مشكور يابو عَلي....مشكور يابو عَلي

***************************


يل فوگ راسي تمطر بخيراتك
غير انتَ الحسين اشكبر وگفاتك

كلما اجيك وناري تسعر بيه
الگه الهله والسهلة والمگضيه

كلما اجيك اتوسلك
چن ضامهن وتگليّ الك
فدوة رحتلك ولهلك

يابو علي...

ما يوم ارجع خلّي


مشكور يابو عَلي....مشكور يابو عَلي

***************************


بين المجالس خلصتها اسنيني
المنبر ابويه هوه المربيني

وبمدرستك خدمتك رافع هامه
دوم اول اطلع انا ع اللطامه

والحمد لله والشكر
يحسين خلصت العمر
روحي علىٰ دربك نذر

يابو علي...

وهالصوت ظلّ معتلي

مشكور يابو عَلي....مشكور يابو عَلي

***************************


خدامك بروحي رسمت اوصافهم
حتى من اموت انشال فوگ اچتافهم

لو شيعوني للگبر خـواني
عندي عقيدة بگبري تتلگاني

من اگضيّ يمك دنيتي
يرتفع راسي ابموتتي
وجهك ضوايه بحفرتي

يابو علي ...

الظلمات بي تنجلي

مشكور يابو عَلي....مشكور يابو عَلي

***************************


كلـمات الشاعر السيد : مـوفق الموسـوي

تــدوين : Zahraalobaidi



MP3

[علي الواسطي]

عاشت ايدج زوزه عالمجهود

[✿ عِشق ✿]

عاشت ايدج زوزه عالمجهود

شكراً لحضورك علي اهلاً بك


..