ولدي السباع.... كبروا ابســاع
جازوّا ارباي ... تعبي ماضــاع
ادري هاليوم يجيني ويروحون....
أدري هاليوم يجيني ويروحون....
******************************
گلّي حيدر امر ... ضامته عمر
عندي أسرار تخص الساده
گلي هالعايله ... تعتني الكربله
وانا هالجاي أحضر قاده
امربية جيل ... منهم كفيل
مانست گلوله
تمر السنين ... وأُم البنين
بكربله مشغوله
ظعن الجروح ... لمن يروح
كبرّت مسؤوله
بيرغ يصير .. ابني الچبير
الكافل يگوله
حگي ياناس .. ارفع الراس
كافل ام عون ... ابني عباس
لو يظل راس يظل كافل ام عون
أدري هاليوم يجيني ويروحون....
******************************
انا شمقدمه .. خيري من فاطمه
ولدي خدام تظل لولادهه
من الزعر علّمت .. وللخيم كبرّت
اربع اولاد تصير اوتادهه
طول الزمان ... راية أمان
للخيم ربيتهم
ما ينثنوّن .. بس ينحنوّن
للخدر وصيتهم
من الزغير .. لحد الچبير
عنه ماعزيتهم
صيروله عين .. يسوه الحُـسين
للذبح وديتهم
الخاطر ارباي ... وفوّا اوياي
لجل الحسين .. عافوّا الماي
انا وصيت للحسين تعطشون
أدري هاليوم يجيني ويروحون....
******************************
كون تعبّ اللبّن .. عنه ترضى ام حسن
تعبي ماضاع اذا يرضونها
من بواچي الضلع ... ضوگتهم دمع
وگتله عباس تصير اعيونها
الهم وفيت... كلما حچيت
من دمعتي ازگيهم
حتى البتول .. باچر تگول
ياهو المربيهم!
اباب المصاب .. اربع شباب
درس گمت انطيهم
ويتعلمون .. شيقدمون
حتى ترضى عليهم
كتبوا عالريح .. ياهو اليطيح
صوب الخيام .. فاطمة يصيح
فدوة لحسين يغالين تموتون
أدري هاليوم يجيني ويروحون....
******************************
علمتهم درس .. وجه اخوكم شمس
يذبل الكوّن اذا سد عينه
صيروا خدام إله ... ولاخته المدلله
وخلوا الحسين يسولف بينه
وگفوله لاء .. في كربلاء
ابوجه كل عدوانه
خاطر تشوف .. ذيچ السيوف
حسين ياهو اخوانه
وصيلوله حيل .. لا تدنه خيل
يمّ خدرّ نسوانه
عن لا تگول ... بنت الرسول
قصروا ويانه
رخصوا الرگاب ... لأبن ابو اتراب
حتى ينگال .. گماطي ماخاب
انتم حيود وانا ادري تثبتون
أدري هاليوم يجيني ويروحون....
******************************
وصار وكت الصدگ .. بولدي افخر يحگ
بين اهناك حليبي الطاهر
اليسأل اشقدمت .. اربعة وقصرت
كون لحسين متت بالعاشر
اتمنى كون .. ويه الظعون
لطف عطشهم رايحة
حتى من اشوف .. گطع الچفوف
انحسبلك طايحة
راح انطي عين .. واصرخ حسين
انا بيكم رابحة
ولمن يطيح ابني الذبيح
ابگلبي انصب فاتحة
واصرخ ابصوت .. گلبي مبخوت
واگف وياك .. حتى بالموت
ولدي كلهم فده لعينك يطيحون
أدري هاليوم يجيني ويروحون....
******************************
كلمات الشاعر | مُـسلم المطـوري
تدوين | zhra alobaidi |
تحمـيـل....إستمــاع...MP3
[mp3id="true"]68498[/mp3id]
مـحـرم ١٤٤٧ ه
رد مع اقتباس