والطايح صاحوله اسم الله
عارك عباس ادخيل الله
من شال العباس الرايه
فرت من عنده الرمايه
والشط يتراجف ضل مايه
هذا العباس طگ راس براس
خيال الموت ايصيحوله
لو طب بيهم يلعب جوله
بس خل نتنفس گلوله
فحطت الخيل وشفنه احنه الويل
عباس ادخيلك خلينه
بچفوفك لا تسطر بينه
بالحومه اتلول امسوينه
گطعت الروس وعليها ايدوس
الطف يا زلمه يعارك بي
والطايح صاحوله اسم الله
عارك عباس ادخيل الله
عطوه انريد العسكر ناده
بالبيرغ طب عم الساده
وطم الشط بروس القاده
زلزلها الحار والجيش احتار
خيال وماخذهه بزوده
يغرف ضل اجنود بجوده
يا ويله اليوصل لحدوده
بچه الفرسان وهز الميدان
نافيها العطوه يعرفونه
ومربع راح ايفصلونه
ويجدحن عباس عيونه
والعسكر مال بيهم من صال
الطف لو زلمه يمد راسه
والطايح صاحوله اسم الله
عارك عباس ادخيل الله
يردم خيال بخيال
والحومه احتارت بفعاله
لم الشط لحسين وشاله
وكلمن شافاه صاحله الله
شد احزامه ابن البدويه
بالطف ناخيته العلويه
يشمر ضل ميه بصف ميه
وحراس الماي تعبها اهواي
طب للحومه الما يتلاوه
والجيش وي الگاع تساوه
لون السيف ودمها اتخاوه
ذل الفرسان شيخ الشجعان
مختاض وزينب توميله
ما لاگوها سيوف اهلك
والطايح صاحوله اسم الله
عارك عباس ادخيل الله
مرعوبه الخيل مخليهه
والگاع اليوم تغص بيهه
يخبطها ويشرب صافيهه
طب العباس بچه الحراس
من يزعل يتنومس سيفه
يذبح بالفرسان ابكيفه
منهم ياخذ رايد حيفه
تشرد لاوين منه السبعين
الدخان من الخوذه تشوفه
وصلت لاخر جندي الخوفه
شال الجيش وسد چفوفه
سواهه تراب ذباهه ارگاب
يخرب بيتي راكاهم روك
والطايح صاحوله اسم الله
عارك عباس ادخيل الله
طب ليها ومرفوع الهامه
چن حيدر راجع لايامه
فن واحد يعرض گدامه
دخلها انذار شبل الكرار
هوس والهوسه شمحلاها
وفيضها الگاع من ادماها
چم فرقه ابفرقه البچاها
چن ملك الموت وبكيفه ايفوت
ما يخضع والغيره براسه
واكبر شارب بيهم داسه
وينفض خله الجيش انفاسه
بالگوم يصيح والصف ايطيح
الطف بس هاشم فرضو بي
والطايح صاحوله اسم الله
عارك عباس ادخيل الله
حيل الله الكافل طب بيها
يا زلمه ايمينه ايلاگيها
والنار بچفه امچويها زلمة حيدر
نازل عالجيش بنص حيله
والماذر بيهم لف شيله
خل يزود واحنه نوديله عباس الماي
عباس وحط عركه اباله
وتخيل عطشانه اعياله
علشط تضل الخياله ياهو ايلاگي
يلاگي البيكم عراك
والطايح صاحوله اسم الله
عارك عباس ادخيل الله
زلمه العباس امن صياره
يا زلمه اليوصل بتاره
قادتهم ضلت محتاره من العباس
دگ ثايه وگلهم هذا انه
يا زلمه يسرفله اردانه
موش انه العسكر عطشانه ماريد الماي
طب للحومه وگال اگضيها
كل قادتهم ماهم بيها
نسوان الحومه مسويها غير العباس
هد اعلى الحومه دخيل الله
الدنگ دنگ والما دنگ ذب راسه
والطايح صاحوله اسم الله
عارك عباس ادخيل الله
لـ تحسين الخفاجي و كاظم البصيري
رد مع اقتباس