احنه الينحلف بينه
نگص راس اليعادينه
احنه ارجال ابوسكينه
وابو الغيرة الگمر
حسين ابدم نضحيله
جمل مانتخذ ليله
جبل يذبل نهد حيله
اذا شاء القدر
بينه.. فاير غيرة الدم
بينه.. زامّط وتقدّم
بينه.. يحسين تحزٌم
واحنه عدّ يمناك
بينه.. ياويله اليندگ
بينه.. واحنة رجال الطگ
هيبه.. باشط سيف الحگ
واحنه عدّ يمناك
يحسين نعبر خط الصد .. ونسوي الحد.. ثاية
والروس يم رجلك تنحط .. وندگ عالشط.. راية
هيهات من عدنا الذلة .. نصر القلّة.. بهاية
يحسين.. لو صبّح الله أسفر
يحسين.. نكسرّ راس الشر
يحسين.. رخصنه المنحر
"***********************"
احنه النعدل الميلة
زلم مانغفى عالعيلة
نكسر ظهر الكحيلة
اذا صارت حرب
حسين ترابك انبوسه
خدم والخيمة محروسه
اكبر شارب اندوسه
زلم ما ننغلب
"***********************"
حسين التموا انصارّه
معسكرهم دوت نارّه
دگت للحرب غارّه
تباروهه الذمم
فرسان الحرب ذوله
شوارب غيرة مفتوله
شايبهم لعب جوله
قرابين الخيم
قادة.. ترسوا گاع الطف
قادة.. واحدهم مصحف
قادة.. ترهب من تصطف
مايهمهم موت
ذولة.. الگابلهم يخسر
ذولة.. الرباهم حيدر
ذولة.. خلاسة خيبر
مايهمهم موت
انصار واحدهم لو كرّ .. تلگه العسكر ّ .. شارد
سبعين بس صال وصول.. عباس اول.. واحد
الميدان رحب بأسيادة.. وشيخ السادة.. القائد
يحسين.. تبشرّ بأنصارك
يحسين.. طلابة لثارك
يحسين.. ماتبرّد نارك
"***********************"
احنه النعدل الميلة
زلم مانغفى عالعيلة
نكسر ظهر الكحيلة
اذا صارت حرب
حسين ترابك انبوسه
خدم والخيمة محروسه
اكبر شارب اندوسه
زلم ما ننغلب
"***********************"
كـلمات الشاعر : محمد الموسوي
تـدوين : zhra alobaidi
MP3
رد مع اقتباس