جيت ازورچ
يالغريبه وابچي يم گبرچ واگول
أنتي بت النبي الهادي أنتي بت فحل الفحول
جيت ازورچ
يلي گبرچ روضه من جنة عدن
يم ضريحچ انسه لوعات الزمن
حيل أصيح بصوت يابت الحسن
اقسم عليچ أبكسر ضلع البتول
جيت ازورچ
ياطبيبت علتي يامرامي وغايتي
جيت صعبه حالتي منچ اطلب طلبتي
وأنتي بحر الكرم يربات الأصول
جيت ازورچ
يلي أسمچ شمعه بدروب الظلام
وبلسم جروح اليتامه الماتنام
يلي دارچ كعبه وطوفه الأنام
أمنه يا أمنه عنچ شگول
جيت ازورچ
****
الشاعر هاني حماده البلداوي
جيت أشوفك
يل چنت بيدي أهز مهدك وگول
هذا ريحانة محمد هذا ابن فحل الفحول
جيت أشوفك
يلي كلك طيب يانبع الحنان
والله مشتاك ألضحكتك من زمان
من چنت تلعب على جناح الأمان
ياحسين وجبت وياي البتول
جيت أشوفك ياحبيبي ومهجتي
ياطبيبي وغايتي يادمعتي وسلوتي
سيدي ومولاي ياربات الأصول
جيت أشوفك
يلي عن عيني غبت
ومادريت شلون بيه تعذبت
وچم جرح بفراگك انه تحملت
ياحسين وحالتي عنهه اشتگول
من اجيت الكربله بشهر الحرام
وشفت جسمك سيدي وانت الامام
موسد الغبرة وإلك يبچي الحمام
وناحت جبال الأرض وي السهول
جيت أشوفك
ياحسين واسچب دموع العزاء
وامسح بريش الجنح سيل الدماء
وبمصابك اشتكي الرب السماء
هل المصيبة الحيرة كل العقول
-------------------
بقلمي
الشاعر هاني حماده البلداوي
رد مع اقتباس