انه بصراء هايم ناگتي ملگاك
خدع شوڧي السراب وشرب ماي العين
ومشاني بدرب كل عمري ممشيته
كاروك ويهزني الشوك هيج وهيج
تمشي وياك روحي وانت ذاك انته
انه الكلي الك وسال عليه اليل
ثگيل اسمي عليك اهواي ملڧضته
اجي بفرحة طڧل من البرائه يذوب
كل ضني انام بحضنك بسكته
اضم عنك الحسره ولوعت الايام
واجبر وجهي يرسم ضحكتي بشڧته
سهم ڧرگاك اظلم من سواد اليل
عميه عيونه صاب الهدڧ ماشڧته
تره الدخان صعبه نڧتهم معناه
يعرڧه الشال صورة وجه صاحبته
العايش ذكراياته بديرة الخطار
صعب يگدر يلمها تخونه ذاكرته
انه بصوت البلابل چم لحن ضميت
ونسيم اجمل عطر بدروبي طشيته
الورد يذبل اذا ما يشرب من الماي
وانه الشيب اعتلاني وهم اخد حصته
صرت ريل وصيح الويل أيا ويل
ومحطاتي قهر والڧرح ما عشته
انه بصراء هايم ناگتي ملگاك
أدورك خيال برمل ملكيته
اخيط بالدرب بلچي يصير قصير
رسم وجهك الصحره بعيني راسمته
وانام اليل بس من نومي ڧز مرات
اتلمس سراب البيك مالحته
واضل سهران يمك وانت مويمي
ومن كثر الندم ابهامي عضيته
-------------
بقلمي
رد مع اقتباس