الرادود الحاج الملا باسم الكربلائي
الشاعر: ايهاب المالكي
محرم الحرام 2025 م - 1744 هـ
الاستماع
المستهل
آنه الهم عد عينك يا عمي
إذن لي أتحنه من دمي
تفداك النفس
بالجنة العرس
يا عمي
يا عمي يابو اليمه ابريني الذمه انطيهم صاع
خيشوفون اعله الكاع تطيح سباع تكوم سباع
ارخصني بچلمة فوت ارفع للموت السيف شراع
خلي اقطع نسل ابليس آنه العريس ارباع ارباع
يا محلى من الفارس يترجل
والزفة للجنة تتأجل
ياعمي
++++++++++++++++++++
آنه ابن الياخذ حيف وعنده الضيف يمون يمون
آنه ربات القرآن وجدي الچان بدون ظنون
آنه ابن الرفعة راس اتكَصده الناس وينطي عيون
ابن المن ما والاه يبغضه الله وخصمه يكون
يا عمي حنِّيني لو تسمع
من اوكَع واتوذر بالمذبح
بشرني بهمس
بالجنة العرس
يا عمي
++++++++++++++++++++++
موتي البي يكمل ديني وانطي سنيني وفدوه تروح
محلاها هناك من انزف دمي الماجف عطره يفوح
وهناك بزود اتسمى الضحى لعمه وقدم روح
يا عم اليحظى ابظلّك لازم مثلك هم مذبوح
من توكف تستقبل خطارك
وتتحيي وتتلكه اليتبارك
من جن او انس
بالجنَّة العرس
يا عمي
+++++++++++++++++++++++++
سيفي الما ترحم حربه وضربه بضربه وحار بحار
يشطر نصين وينصف لمن يخطف يجدح نار
آنه النشمي الما يأبه سيفي اليشبه ذو الفقار
اضرب نحر البيّه احتف والشفت التفت من أندار
وبكَلبي لهاي الحرب لهفة
يا عمي جن رايح لزفة
متقدم أحس
بالجنّة العرس
يا عمي
++++++++++++++++++++++++++++
الله يفرح كَلب أمي ويكشف همي من اطلع هاد
كَالت يمه ابحنيّه اعقدها النيه اعله استشهاد
لوما تستتشهدج فدوه اوكل النسوه ابدون أولاد
وآنه الما اضيع الفرصة وما اتوصه وموتي امراد
راح ابرز طيحت نجم عالي
اوفي امي يبقى العرس تالي
احرب عالرجس
بالجنّة العرس
يا عمي
+++++++++++++++++++++++++++++
نزهنا الله من الشينه اندل الزينه وزلمه الزين
آنه المتروس ملوحه اليشمر روحه كبال حسين
آنه اليقبل عالموت وصوت بصوت وعين بعين
آنه ابن الفارس إيليا اللاح العليا ويندل وين
يا عمي جُندي وإلك حاضر
آنه أدري إلنا النصر باچر
باچر غير امس
بالجنّة العرس
يا عمي
+++++++++++++++++++++++
رح ارعد ضي مايجرح لكن يذبح مثل الماس
ويسألون اعله القادم هذا القاسم لو عباس
توكف قادتهم تختم تنفي وتجزم ماكو انفاس
من أقصى الطف راح اسعى وشايل فزعة تشيل الرأس
يا عمي أمر القدر يسرى
وأوفيلك من ينذبح نحري
تحضني الشمس
بالجنّة العرس
يا عمي
+++++++++++++++++++++++++++
الله محلاها الحنّة ابنص الجنة وبالتهليل
احضر بجروح الطف البيهه اتشرف دمي يسيل
يهديني الصديقين ابعليين ورود اكليل
بين أصوات الترتيبل امن اسرافيل وجبرائيل
وشموعي ضيهن نهر يجري
ويضون كالكوكب الدري
ما تقبل لَبس
بالجنّة العرس
يا عمي
رد مع اقتباس
المشاركة الأصلية كتبت بواسطة Ѽ بوبي
