هنا

[✿ عِشق ✿]

ـــــــــــــــــــــــــ ـــــــــــــــــــــــــ ــــ
القصيدة: ثالث نَهار بكربلا
أداء:محمّدبَاقِر الخَاقانيّ
كلمات: عبّاس الشبلاوي
ـــــــــــــــــــــــــ ـــــــــــــــــــــــــ ــــ
حُسيناً واه حُسيناً واه حُسين
ـــــــــــــــــــــــــ ـــــــــــــــــــــــــ ــــ
إله ثالث نهار بكربلا.. الحُسين عَ التُرب
چفن لا فوگه لَحدّ غسّله.. الحُسين عَ التُرب
رِجع مِن يُسره إبنه وصَد إله.. الحُسين عَ التُرب
تغيّر لُونه مِن لون الفَلا.. الحُسين عَ التُرب
مِن الخَرايب علي رَد إله بحِزنه
نَفس حاله لگاه مِن مشوا عنّه
بنفسه لو ما رجع يدفن حسينه
چا بُقه إعله التُرب محدّ يدفنه !
إبنه مِن شافه ذَب رُوحه يَم جِسمه
غِده بصدره التَريب يقبّله ويشمّه
صاح وينچ يَعمّة لو تشوفينه
ما تُعرفين اخوچ إنسلب رَسمه
تغيّر كلشي بيه ذاكَ الحَنين
حُسيناً واه حُسيناً واه حُسين
ـــــــــــــــــــــــــ ـــــــــــــــــــــــــ ــــ
لگاهم وين اليحبّه الگلب.. غَريب يم غَريب
وگعد يم والده دموعه تُصب.. غَريب يم غَريب
يگلّه ظعوني ضلّت بالدرب.. غَريب يم غَريب
إرجعت بُوية لدَفنكم بالتُرب.. غَريب يم غَريب
مَد يمينه عَلي يشيله عِند گبره
و رَدّها متحيّر وخنگته العَبرة
حيرة مِن يا كتر والده يشيله
حسينه ما ينعرف صَدره مِن ظهره
ذاكَ حُضنه الامس لَم اهل ظعنه
ما گدر مِن جِراحه يلمّه إبنه
يفوح مِن كل كتر عُطره بالهيمة
وغاد طايح لگاه خُنصره عَنّه
يِلم بجسمه وبگلبه الانين
حُسيناً واه حُسيناً واه حُسين
ـــــــــــــــــــــــــ ـــــــــــــــــــــــــ ــــ
بتَعب جِسم الغريب إعله الگبر.. عَلي إبنه وسّده
وجِرح گلبه ورضيعه إعله الصَدر.. عَلي إبنه وسّده
"بُني علي وسّد رضيعي إلىٰ جَنبي-وفي رواية اُخرىٰ علىٰ صدري-"
والاكبر حَدر ابوه بِلا صَبر.. عَلي إبنه وسّده
بدموعه بكِتر ابوه باقي العُمر.. عَلي إبنه وسّده
بعد ما تَم دَفنهم مِشه لعمّه
تِبع عُطر الوِفه وگاده يم جِسمه
فرك چفّه بقهر يَم گُمر هاشم
مِن لگاه عَ التُرب ناشف بدمّه
حُفر گبره علي ونزّله بگبره
وگبل دَفن الگُمر گال إله بحسرة
هاي الحچاية ودّتها إلك زينب
عفية اخوي الوَفي المّا ترك خِدره !!!!!!
حَلال إعليه لِبن اُم البَنين
حُسيناً واه حُسيناً واه حُسين
ـــــــــــــــــــــــــ ـــــــــــــــــــــــــ ــــ
بَعد دَفن الغريب وصُحبته.. ودَمع عينه يِهل
عَلي رَد لخرابة عمّته.. ودَمع عينه يِهل
بدَمع حسرة الغريبة تلگّته.. ودَمع عينه يِهل
وگع ساعة ب اهلها نشدته.. ودَمع عينه يِهل
إنطيني اشم إيدك الشالته إنطيني !!!
إنحرم گلبي وداع وشَمّة حسيني
صار ايّام إلي وما شفت عينه
ما اذكر هَـ الكِثر عِفته بسنيني
بلّه انشدك يعمّة ماي شرّبته؟
گلبه بخّيته لو ضاميّ إدفنته
كسر گلبي قَبل رُوحته بساعة
وحق جدّي نِده ضامي وإسمعته
وانا مِن الساعة ذيچ اجريله عين
حُسيناً واه حُسيناً واه حُسين
ـــــــــــــــــــــــــ ـــــــــــــــــــــــــ ــــ

[A.O.K]

ماجورة ومثابة
​وبموازين اعمالك