النتائج 1 إلى 2 من 2
الموضوع:

كلمات قصيدة ظعن الحسـين ( مكتوبة) - محمد باقر الخاقاني - محرم 2025

الزوار من محركات البحث: 3 المشاهدات : 110 الردود: 1
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    مراقبة صوتيات درر العراق mp3
    الـجـنـوبـيـة
    تاريخ التسجيل: June-2017
    الدولة: IRAQ`
    الجنس: أنثى
    المشاركات: 16,516 المواضيع: 2,177
    صوتيات: 5745 سوالف عراقية: 2
    التقييم: 25128
    مزاجي: fickle
    المهنة: Teacher
    مقالات المدونة: 2

    كلمات قصيدة ظعن الحسـين ( مكتوبة) - محمد باقر الخاقاني - محرم 2025

    ـــــــــــــــــــــــــ ـــــــــــــــــــــــــ ــــ
    القصيدة:ظَعن الحُسين
    أداء:محمّدبَاقِر الخَاقانيّ
    كلمات:مُرتضىٰ الياسري
    ـــــــــــــــــــــــــ ـــــــــــــــــــــــــ ــــ

    للنازحين عَن الأوطان.. سَلام×3
    ـــــــــــــــــــــــــ ـــــــــــــــــــــــــ ــــ

    ظَعن الحُسين.. كِلّه هيبة و وقار
    هاليله وين.. بايت بيا ديار
    وَكته يدور.. وحاله يٕصبح غريب
    ولا ليله ليل.. ولا نهاره نهار
    ظعون الغوالي
    مَحله سَفرها.. وكحلة نظرها .. حُسين
    بهاي الليالي
    حَامل لِواها.. يضوّي بسماها.. حُسين
    ولا ماتبالي
    ب شر لُو يجيها.. وياها وِليها.. حُسين
    سَلام..يِعم الغَوالي بسفرهم
    هيام.. واحد لواحد نَظرهم
    غرام.. عيون الزغار إعله عَمهم
    للنازحين عَن الأوطان.. سَلام×3
    ـــــــــــــــــــــــــ ـــــــــــــــــــــــــ ــــ

    حَر الشموس.. ما وصل للخدور
    إلها النفوس.. ظِل عليها تدور
    ماكو ظلام.. يُمر عَليهم اكيد
    إشتلحگ يَليل.. والهِواشم بدور
    ظَعن القداسه
    يِمشي بأمانه.. ويبث حَنانه.. حُسين
    ماكو بقياسه
    ولا اكو بمقامه.. غيرة وشهامه.. حُسين
    و البي حراسه
    كَافل ظعينه.. حُبّه وحَنينه.. حُسين
    الظعون.. البيها ابو فاضل جَميله !
    يكون.. حُب وأمان بدِليله
    عيون.. لخطواته يربي كَفيله
    للنازحين عَن الأوطان.. سَلام×3
    ـــــــــــــــــــــــــ ـــــــــــــــــــــــــ ــــ

    بوكت الوصول.. ياهُو يستقبله
    محدّ يگول.. لهالظعن يا هَلا
    لبيت الرَسول.. هاي إشارة عطش
    ديرة عَذاب.. ويلي ياكربله
    تبدي المُصايب
    ويِحل عَذابه.. ويبدي أغترابه.. حُسين
    تصير العَجايب
    ماعِنده ناصر.. بالهيمه حاير.. حُسين
    دلّاله ذايب
    جَرحه شيشدّه.. متفطّره چبدة.. حُسين
    غِياب .. عالنهر طايح عَضيده
    عَذاب .. صارت خِيامه بَعيده
    مُصاب .. غَسله صار بدَم وريده
    للنازحين عَن الأوطان.. سَلام×3
    ـــــــــــــــــــــــــ ـــــــــــــــــــــــــ ــــ

    كلشي يضيع.. مِن يروح العَلم
    حتّىٰ الرَضيع.. ويلي هَم ما سِلم
    يِدور الزمان.. ومايضل الكَفيل
    وتلفي الهِزيل.. مِن تطيح الخِيم
    نار الرزيه
    تشب بالمُخيّم.. وبيها يِتألّم.. حُسين
    والغاضريه
    بيها العَقيله.. تُصبح كَفيله.. حسين
    محدّ إليه
    يَـ إخواني وَنّت.. والونّة طلعت.. حُسين
    غَريب.. تنادي يَخويه بألمها
    نَحيب.. والحسره بيها لعَلمها
    مُجيب.. ماكو مُحامي لخِيمها
    للنازحين عَن الأوطان.. سَلام×3
    ـــــــــــــــــــــــــ ـــــــــــــــــــــــــ ــــ

  2. #2
    من اهل الدار
    Lord of Wisdom
    تاريخ التسجيل: September-2013
    الدولة: عنودي
    الجنس: ذكر
    المشاركات: 8,134 المواضيع: 622
    صوتيات: 39 سوالف عراقية: 0
    التقييم: 10219
    مزاجي: A.O.K
    المهنة: مدرس
    أكلتي المفضلة: دولمة
    موبايلي: Samsung A55
    آخر نشاط: منذ 9 ساعات
    الاتصال: إرسال رسالة عبر Yahoo إلى A.O.K
    مقالات المدونة: 2
    ماجورة واعظم الله اجرج
    ​وبموازين اعمالك

تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال