القصيدة:- آنَه رَايحْ
الرّادود:- المُلّا مُحَمَّد الجنَّامِيْ
الشّاعر:- وسام الشويلي
~~~~~~~~~~~~~~~~~~~~~~
آنَه رَايحْ يا بناتي
عايف الچن ذكرياتي
ودعتچن عد خواتي
~~~~~~~~~~~~~~~~~~~~~~
يبنياتي التمن هسّه اگـبالـي
حل ميعاد افراگي وهضمه حالي
لا إنتن شبعانات من عيوني
ولا انه الشّابع منچن دلالي
من طاح العضيد ظهري لويته
وهسّه بالوداع يمچن حنيته
شيسوي اليريد يمشي المنيته
وكت التعب حان وي نايباتي
خيمتچن اتطيـح يمدللاتي
ودعني بوداع البعد مامنه جيه
حنيه وافياي چـانت عباتي
وهذي عباتي تنسلب بالغاضريه
ودعني وحده وحده
ارد اشمن ورده ورده
وانتن اغله من حياتي
آنَه رَايحْ يا بناتي
~~~~~~~~~~~~~~~~~~~~~~
يشبگچن من گبل اچفوفي احساسي
يبنياتي وحاسبچن أنفاسي
دنگت الرأس وردت اتقبلني
وبعد أشويه اتشوفن گطعـه رأسي
اي بالعزيزات شمنه نحري
وكل وحده لحظات تغفه اعله صدري
تمشن سبيات من بعدي ادري
عصبنهـالعيـون گبل الرزيه
لتشوفن الخيل تسحگ عليه
وهذي رقيه الغاليه عدچن امانه
تسألچن اتـكـول مأمنه جيه
كللها سافر والسفر هـوه وزمانــه
ملتقانه بالخرابة
لو غفيتن عالترابه
يم رقيه طيفي اتي
آنَه رَايحْ يا بناتي
~~~~~~~~~~~~~~~~~~~~~~