القصيدة:- نشرة اخبار
الرّادود:- المُلا مُحَمْد الجنامي
الشّاعر:- كرار حسين الكربلائي .
~~~~~~~~~~~~~~~~~~~~~~
ابنشره اخباره الكوفه عاجل وكلها اتشوفه
جاء فارس غيّره دارس منّ عليّ الكرار
قائد برتبته عالم بس مراجل من هاشم
من دخلها الكوفة كلها دخلت إنذار
~~~~~~~~~~~~~~
إذاعة قصرهم تكتب خبر عن مقاتل مرعب
لگينه بأثر خطواته ثبات و يقين
إليكم بعض أوصافه يغار الجبل لو شافه
چبير أكبر من الكوفة سفير الحُسين

أجت آخر الاخبار طلع الألاف وحده
بده وانتهه التاريخ صعب عالسيوف رده
عليّ نازل بصفين اختصار الكلام

ما خسر بالحق صوله واحد يمثل دولة
كلها تجفل كلها تختل وجّهه منّ يندار
بهذي تشهدله الوادم بي مراجل من هاشم
من دخلها الكوفة كلها دخلت إنذار
~~~~~~~~~~~~~~
المراسل حجه بأفعاله ولاچن سيوف اگباله
ضحك من شرد قائدهم ويكله تعال
زعل سيد وطك عرجه ابكتايبها صارت ضجه
بخيت السلم من سيفه تگول الرجال

بچت منه حتى الخيل ولا عدها صوت تصهل
نزل راجل اعله الجيش نزل چنه موت مقبل
بطرف سيفه جر الگاع وگلبها گلاب

اطلابه عنده وشيفظها كلّ زلمهم ركضها
سيفه يذبح عينه تجدح منها تطلع نار
لوحه من خيبر راسم بي مراجل من هاشم
من دخلها الكوفة كلها دخلت إنذار
~~~~~~~~~~~~~~
مذيع الاماره أرخ مشاهد قيامه وبرزخ
يصيح العدل و الميت قتالك عظيم
ألف عالارض طشرها ألف عالسطح يشمرها
ألف بالحرب شهدتله قيادي و زعيم

بشر بس جبل ينشاف قصرهم زغير يمه
يظلّ عاليّ ما ينـلاح سفير الحسين قمه
تبوس الزلم رجليه تريد الأمان

معدل وزلمه مكلف وصل العسكر للطف
من سطرها الحومه طرها سوه بيهم غار
سيفه ما يرحم ظالم بي مراجل من هاشم
من دخلها الكوفة كلها دخلت إنذار
~~~~~~~~~~~~~~
صحافة خبرهم گالت منارة قصرهم مالت
تأكد خبرهم طوعه صحيح الكلام
مره تسوه مية زلمه وبقت للمواقف كلمه
مره و مسلم ايگلها عليها السّلام

اخذ خبره العَبّاس و مراجل بطل خيبر
من اربع جهاته الجيش ابمدار الهلاك يفتر
تدور السمه و الگاع عله اجفوف اديه

يا هله ابزعل السّادة رجف اگلوب القاده
نسخه وحدّه وماكو بعّده من البشر تكرار
الگابله يرجع نادم بي مراجل من هاشم
من دخلها الكوفة كلها دخلت إنذار
~~~~~~~~~~~~~~
خبر مؤسف اينقلونه سفير الضوه يغدرونه
غريب ويدير اعيونه إلى كربلاء
بعيد ووصلهم صوته عجيبه مصيبه موته
بجه من سمعها حسينه ونصبله العزاء

غريب انذبح عطشان جرح كل زمان يكبر
ضوه من القصر للگاع تبده و ضواه اتطشر
ابجماله تجر الخيل حبيب الحسين

ويلي يامحنه مسلم الغربة العاشر ترسم
دمه يجري ريته يدري ابجف حميده شصار
الياخذ ابثاره القائم بي مراجل من هاشم
من دخلها الكوفة كلها دخلت إنذار
~~~~~~~~~~~~~~