القصيدة:- رِسَالة حُسيني
الرّادود:- المُلّا مُحَمَّد الجنَّامِيْ
الشّاعر:- كرار حسين الكربلائي••••••••••
~~~~~~~~~~~~~~~~~~
رِسَالة حُسيني بمحرم كتبها
أحبك حبيبي وخدمتك أحبها
يا أيها الحَاكم خَادْم إلك خَادْم
~~~~
جنن عقلي حبك وبشرياني اكتبك
يا حبيبيّ يحسين والحسين أحبك
أسمك من عشگته باب الحب قفلته
گلبي فتشه وشوف ماكو غيرك انته
دورت بالگلوب ماكو مثل حنانك
الدّنيه ضيعتني ولمني وطن أمانك
يا أميري بالنّاس محد أخذ مكانك
تباهيت علّه الكون منو العنده مثلك
أمــل أهلي والنّاس وابد مــا أملك
عَالنها للوادم خَادْم إلك خَادْم
~~
سر بكل قصيدة قديمة لو جديدة
أسمك من اگوله گلها تگلي عيده
وجهك سر جلاله لأهل الحُب رسالة
يوسف يم خيالك صفر كل جماله
مو عشگ خرافات عشگي الك حقيقي
خادمك يمولاي ما تيهت طريقي
ما أصادق إنسان صار اللطم صديقي
ثلاثة اصدقائي البشر كلها تدري
البچي والزيارة ولطمتي اعله صدري
گلبي يظل هايم خَادْم إلك خَادْم
~~
دارس بالمواكب وانه بيها طالب
الما نجح بالحسين بالقيامة راسب
هذا كـل يقينيمن اهلي مشتريني
بالهوية مكتوب عبدك الحسيني
والدي اسمـيك أعظم شرف اخدمك
يا هوّه اليغرگون من اختنك اشمك
أجمل النهايات تخلص حياتي يمك
الخدم بالمجالس يسموني قنبر
چبيرة عليه بعد رايد ازغر
كل مرجع وعالم خَادْم إلك خَادْم
~~
من زغري اعله باب اخدم ويه شبابك
امحـزم واطـبخ الزاد يحسين بثوابك
عاشگ گلبي كافل كتله و دمعي هامل
انه الوزعت ماي بسمك يا ابو فاضل
خدمة المواكب رتبة شرف چبيرة
هيبه اليخدمون من قمر العشيرة
جربته العظيمه اتوزع علينه غيرة
أمير الكفاله يوقع خدمتي
جفوفه عفته امانه دمعتي
رتبة قمر هاشم خَادْم إلك خَادْم
~~
أهل الخدمه كـلنه انته تلم شملنه
بفطره نحسب حسين واحد من اهلنه
جنّه بروحي تكبر وكل الدّنيه تصغر
گلبي حبّك و صاح يا شريانه الابهر
گلبي دگته تصيح اعشگ إسم محرم
من أشوف الهلال يا حسرة بيه تنضم
حزني والمجالس عايش حياتي مغرم
دعاء أُمي كل يوم رب وفق ابني
ردت بس خدمتك وخذ كلشي مني
ما أسمع الهم خَادْم إلك خَادْم
~~
رد مع اقتباس