القصيدة: ثُوب حسِيَنْ
الشّاعر: ميثاق الحمداني
الرّادود: المُلّا مُحَمَّد الجنَّامِيْ
~~~~~~~~~~~~~~~~~~
ثُوب حسِيَنْ بهالفترة ينشرونه
راح أوصف الكم المتشوفونه
وحسين اشگد متاذي اتعرفونه مِيْ
~~~~~~~~~~~~~~
الثّوب الممزق امن اتشوفه تشهق
أمه الزچية تجري العين
تلطم ضلعها اتصيح ابدمعها
اشخلولي منك يُمه حسين
ثوب اليشوفه يـشوف المقتل
ليش الهـوه ميـحركه تسأل
الثوب اللي ينگع بالدم يثگل
كل إكتاب ايبـين مـن عنوانه
ومن ثُوب حسِيَنْ اتبين احزانه
ليش اليجمع الگلوب ايوذرونه
~~
بالثوب اناظر طـبع الحوافر
ماخلت ألنه ظلع گصير
وشگ ابردائه نازف دمائه
السهم المثلث چان چبير
نشروله ثوبه وشفت الصعبه
شيـب وتـراب ودم عالرگبه
واگثر سـهام ابمـوضـع گلبه
ابعاشوراء خلي انضـج ياخـدامه
كالقنفذ صاير جسمه امن اسهامه
خـلوه بالنـص يالشـيعه ويـرمونه
~~
ابمتنه علامه ادموع اليتامه
آه يا قميصه يشيب الرأس
دم اعله ايده هذا العضيده
ابردنه مسح عين العَبّاس
وابظهره چـف احمـر ياحسره
اهنا من كسر له الكافل ظهره
ورد الخيامه گــومه وعـثره
رد امحدب وايصيح ابنص ضعنه
زينب مات العَبّاس وضيّعنه
راح الخلّانه ابگلبه وبعيونه
~~
ثوب التسلب امخيطته زينب
أتشوفه وتنادي وتتحسر
زَيْد نحيبي ثوبك حبيبي
طب للطف أبيّض رد احمر
لمن اجته ابذيج الليله
تمسحله نحره ابطرف الشيله
احتارت اتلمه اتلم العيله
تگلـه العمر اللـي عشناه تاليه
مذبوح حسين وزينب مسببه
امودع ياخويه وباچر يسبونه
~~
أُمررْ على جَدثِ الحُسَين
وقل لأعظُمِه الزكيّة
يا أعظُماً لا زلتِ من
وَطفاءَ ساكبةٍ رويّهْ
ما لذَّ عيشٌ بعدَ رضِّكِ
بالجياد الأعْوَجِيّهْ
فإذا مررتَ بقبره
فأطلْ به وقفَ المَطيّهْ
و إبكِ المُطهَّرِ للمطهَّر
والمطهّرةِ الزكيّة
~~
رد مع اقتباس
