كلمات لطمية اجمل علاقة | كرار الكربلائي
راح اعترفلك....گلبي مِلكتــه
اجمل علاقة......بكل عمري إنتــه
ـــــــــــــــــــــــــ ـــــــــــــــــــــــــ
حسين حبيبـي على الابهر أكتبك
احبك احبك .. احبك والله احبك
عذاب حياتي ولگيت الراحة تعبك
اريد اباعد هلي كلهم واقربك
احبك واعترف
واليعوفك صلف
لأنك تختلف
عن الكل سيدي
الك فدوة التعب
ذهب حبك ذهب
الك اجمل لقب
غرامي السرمدي
وحدك حبيبي....وغيرك تركتــه
اجمل علاقة.......بكل عمري إنتــه
ـــــــــــــــــــــــــ ـــــــــــــــــــــــــ
اعيش واعاشر واحب من نظرة أولـه
صحيح ولكن يعوفوني بسهولـه
الوحيد لگيتك يمحبوب الطفولـه
غرام حقيقي وعشگ ينبع رجولـه
علاقات البشر
حجر عاشگ حجر
فقط ضيم وقهر
على طول السنين
فقط حبك الي
فرق يابو علي
يعشگي الأولي
منو مثلك حنين
غيرك عشگته......ونادم عشگتــه
اجمل علاقة.......بكل عمري إنتــه
ـــــــــــــــــــــــــ ـــــــــــــــــــــــــ
اضيع بدونك وارد تعبان ادورك
تشيل سهامك تنومي اعله صدرك
عجيب حنانك نطيت لأجلي نحرك
غشيم تجارة يبو اليمه اليخسرك
حنان الاب واشد
حنان أم الولد
بعد اكثر بعد
حنانك سيدي
غصن عود انحنه
الي ظهـرك وأنه
اعيش ابكل هنه
شكثر تطلبني دين
محد يشبهك.....بالدنيا شفتــه
اجمل علاقة......بكل عمري إنتــه
ـــــــــــــــــــــــــ ـــــــــــــــــــــــــ
ظلام حياتي ولا اندل عشتها
خيام بناتك تضويلي اشعلتها
سموم صحاري عليّ تهب وشفتها
چفوف كفيلك تفييلي عفتها
اذا مسني الضمه
تمطرها السمه
يمهجة فاطمه
تخجلني بهواك
حريمك بالحبل
يميلن عالهزل
لكي امشي عدل
يبو اليمه وراك
خيرك عليه.....مايگضي وكتــه
اجمل علاقة.....بكل عمري إنتــه
ـــــــــــــــــــــــــ ـــــــــــــــــــــــــ
ختام كلامي الك يابـو رقيه
اريد حبيبي فقط ترضىٰ عليه
اخاف اعوفك وازعلها الزچيه
بحبال خيامك تعال أچتفها اديه
اخذني لعالمك
اعيش ابمأتمك
واخدمه اليخدمك
الى يوم الممات
وقار الحب جزع
ودوه گلبي الوجع
اعله نحرك النگطع
انيس التعزيات
منبر عزائك... عشگ خدمتــه
اجمل علاقة.....بكل عمري إنتــه
ـــــــــــــــــــــــــ ـــــــــــــــــــــــــ
كلمات الشاعر | ياسر المطوري
تدوين | Zhra alobaidi
رد مع اقتباس