مأسي
...........
الغايه مو نكتب شعر....
بس المأسي اهوايه...
بدم بارد أرواح البشر..
تضيع مو عن سايه...
تبقه المآتم والحزن...
يوميه وسط اولايه..
مسكين ياهذا الوطن...
كل مره مجهول السبب...
وماندري شنهي الغايه...
نسمع قصص.. ننظر صور..
تنكتب منهه اروايه..
خريجه مليانه فرح..
تتأمل براس الشهر..
تتعين وصارت فحم..
وشفنه شباب الماترك صاحب اله..
فاقد بصر..
والنار اجته وماسلم...
وشفنه اشثكر أطفال محروكه..
وحرم..
أشعر دمع...
مو حبر مليان القلم..
اتوشح سواد.. ويصطرخ من الألم..
وسفه عوائلنه انسبت..
مات الضمير..
وبعد ماينفع ندم
...................................
بقلم ابو عقيل الدغاري المطوكي
رد مع اقتباس
المشاركة الأصلية كتبت بواسطة ثامر الحيدري
