هنا

[علي الواسطي]

عتاب زينب لاخيها ابا الفضل العباس عليهما السلام ..


ينايم ع الثرى... الحك يعباس
خذوني ميسرة ..الحك يعباس
**
الحك خوية يا عباس يا حامي الضعينه
ترضاها الزلم والخيل تتراكض علينه
نتحمل يطكنه السوط ويورم ادينه
بس الخوف من النار لا تحرك عبينه

وين اطفالي اوديهم
ومن النار افر بيهم
حار الرمل يجويهم

خويه وچم طفل.. فوك الجمر داس
ينايم ع الثرى ..الحك يعباس


المرية الجبيرة شلون يا عباس تنسب
ومن الركض والطيحات حتى الزلمة يتعب
كل عثرة اصيحن اخ يا كفال زينب
حتى برمشي طالع شيب مو بس راسي شيّب

بالخمسين عمر اختك
جنت مدلله ببختك
خوية اعذرني عاتبتك

شمر وحرملة ..صارولي حراس
ينايم ع الثرى ..الحك يعباس



خوية براسك يهوسون من جابوا اليه
صاحوا زينب من اليوم صار اسمج سبيه
بهذا الموقف اتمنيت تاخذني المنيه
ولا امشي بيسر ع النوك ويجرون بيه

علوية ويشتموني
من ابجي يطكوني
راسك شفته بعيوني

لو طكني الشمر.. يتلفت الراس
ينايم ع الثرى ..الحك يعباس



اه الشام خوية الشام مو ديرة اهلنه
تلكونه بعصي وحجار اول ما وصلنه
ما رحمونه يا عباس ما بيهم محنه
يابو الغيرة طبت السوك منها شكد فشلنه

تاليها يا والينه
للديوان طبينه
والكل تنظر علينه

جم علوية صارت ..فرجة للناس
ينايم ع الثرى ..الحك يعباس

الشاعر محمد الجماس



للأستماع والتحميل mp3

[زيزا]

شكرا علي

[أم محمد]

سـَلام الله عـَلىٰ أُم المـَصائِب
زَينـَب الحـَوراء .

في ميزان حسناتك ان شالله

[الرميثي]

مأجور اخي علي الواسطي
على هذا الجهد في كتابة القصيدة

[علي الواسطي]

منورين اعزائي