بالمصيبة ظلت حميدة......
تصيح بوية الشوگ يكتل ماتجيني
ـــــــــــــــــــــــــ ـــــــــــــــــــــــــ ـــ
بوية والله الموت يكتل مامعودني بجفاك
ما اطولّ ساعة عُگبك راح أموت آنـه وراك
زغيرة بس الشيب يكبر ماكبر كلشي بجفاك
محد اليترس مكانك يالسلف كامل بچاك
بگلبي ارسمك لا ما نسيتك.....
بوية بس ترجع الي هذا الاريده
ـــــــــــــــــــــــــ ـــــــــــــــــــــــــ ـــ
بويه ياموت اليلمك وانتَ أبن گلبي الحنين
بويه هم تسأل عليهَ گلبي عُگبك ماهو زين
افز من نومي وادور وين ابوي وراح وين
العين اذا شافتلي غيرك هايه ما اسميها عين
آه يبوية آنـا العزيزة.....
افراگ ما احمل تره وما بيه حيله
ـــــــــــــــــــــــــ ـــــــــــــــــــــــــ ـــ
كل صبح اظلم يطرني وعگبك ولا طرّ صباح
الصوت لو ردك يبوية والله اموت من الصياح
گلبي چن الخيل فوگه تسحگ ويمشي برماح
توني ألم بحلم طولك والحلم من عيني طاح
يا حنينــي المحد يعوضه......
النوم ما شفته تره وعيني فـزيـزه
ـــــــــــــــــــــــــ ـــــــــــــــــــــــــ ـــ
البيت ماينطب يبوية البيت وحشه ابلا ابو
مثلّك انجيب أحنه ياهو غيرك اليرهم منو
مثل حنيتك عليهَ دوّرت بس وين اكو
انت ابوي وانت عمي وانت كلشي وانت اخو
ياحنــاني الماكو منه......
اعليك يابويه آنه كُبرت غربتي
ـــــــــــــــــــــــــ ـــــــــــــــــــــــــ ـــ
متت من صاحالي عمي وابچي ما ادري عليش
گال مسلم وانا گلبي الگال مسلم فوگه جيش
كوفه مارحمت ابوي وما اظن منها يعيش
الاچن كلهن ابگلبه ما اجت وحده اعله ريش
گلبي ماتّ اللي يـريـدك......
بلا وطن ظليت عگبك ياهظمتي
ـــــــــــــــــــــــــ ـــــــــــــــــــــــــ ـــ
كلمات الشاعر | حيد فهد الإبراهيمي
تــدوين | Zahraalobidi
MP3
رد مع اقتباس