اباب حسين يالتزورون
بدمع العين اذكروا ام عون
يالرايحين لكربله بدرب السلامه
طول الدرب شدوا الحزم اهل الخدامه
زينب تره عدها جفن ضايع منامه
ردت تره نفس الوضع ويه اليتامه
حتى الرايه نزلوها
من الناس منعوها
يم حسين اذكروها
يزواره
الخاطر زينب الرايه
شيلوها يمشايه
زينب تعبت اهوايه
يزواره
تتمنه تجي تمشي
تعبانه ونست كلشي
حسين زيارته اهمشي
تنوح ابابه
يم الباب تبچي عيون
بدمع العين اذكروا ام عون
*******************
يالتوگفون بكل حزن وگفه اعله بابه
اقروا لزينب بت علي زياره نيابه
تانوها لكن ماتجي ويكثر عذابه
بس الحزن منها يجي والطيف جابه
ميته وعدله متعوبه
من السبي مرعوبه
بس لا ترجع انوبه
سبي تمشي
لاخوها تريد ممنوعه
طول العمر مفجوعه
عليها النسمه مگطوعه
سبي تمشي
المواكب كون نبنيها
اباب ام عون تاليها
من نبچي نواسيها
ونحييها الزياره
نگلها ابصوت سهله اتهون
بدمع العين اذكروا ام عون
*******************
الما يمشي بهذا الدرب عمره خساره
حتى الگمر ياخذ ضوا من المناره
الله رزقنه بالوطن هاي الزياره
بالكرم عالقمه العراقي بالصداره
يزوره هواي اليزوره
حنين ويحله بالصوره
كريم اذراعه مشكوره
ونعم من خادم
وفي وصحبانه وفايه
شالوا بالدرب رايه
هلا ومرحبا المشايه
ونعم من خادم
خله بخدمه كل عمره
ثواب لفاطمه الزهره
يبدي عيونه بالحضره
ينگع اردانه
للزوار صار امتون
بدمع العين اذكروا ام عون
*******************
شدوا حزام الخدم ليله اعله ليله
بالسفره عشره بالدرب كلش طويله
حتى العلاج انوزعه لعيون العليله
كل هذا ونحس بالدرب هايه قليله
حسين الراحه والدمعه
حتى الدم تره انوزعه
ثواب بليلة الجمعه
تبرعناه
حسين وفدوه نمشيله
عمرنه شويه ننطيله
بدمعنه هوايه نحچيله
تبرعناه
غالي واغلى من غالي
حسين الاول وتالي
محلى الدمعه التلالي
البچي محلاه
كلشي وياه احلى يكون
بدمع العين اذكروا ام عون
*******************
كلمات الشاعر | حيدر العامري
تـدوين | Zahraalbiaidi
Mp3
رد مع اقتباس