https://m.youtube.com/watch?v=QUBcdI...iq2YbYqQ%3D%3D
ها يخيمتنه ...... هاذي جمعتنه ...... لو نهايتنه
لو صبح باجر ..... تبدي قصتنة
يهيبه يخويه أشوفن علأرض وحشه عليه
حجرها رملها أشوفه وارتعب وتموت إديه
سماهه ضواهه بهواهه اختنك وكت المسيه
الزجيه إتعرفها حجتلي عن اسمها الغاضريه
وبوصيتها امي ذكرتها تجري دمعتها
يعني ياساتر تبدي قصتنه
...... ........ ........ ....... .......
عساكر مخيفه عددهم يكبر أو قله عددنه
سؤالي يغالي عليمن هلخلك كلها تضدنه
يخويه اخيرا نظل بلاعلم باجر وحدنه
وجينه بحماكم بعدكم للوطن منهو اليردنه
الليله وياكم باجر انعاكم آ يفركاكم
لمن تسافر تبدي قصتنه
....... ....... ......... ........ ........
دخيلك احلفك تعال وكلمن يسولف جراحه
سويه وحدنه لحد ما باجر يبين صباحه
علامه شمرهم علينه وجة سهامه ورماحه
مصيرك تعرفة يذبحك لو تظل كول الصراحه
لا تظم سرك ينكطع نحرك ينسحك صدرك
برضه الحافر تبدي قصتنه
....... ......... ......... .......
يكلها يزينب كصيره الليله والدنيه كصيره
وعدنه لباجر وأشوفج يا أميرة بلأ عشيره
واسمعه عدوي ينادي مو يزينب يا أسيره
سليبه غريبه واخوتج عالثره ابحر الظهيره
كالت خيامي كلها ايتامي والكلب دامي
من ظهر عاشر تبدي قصتنه
. ........ ....... ........ ......... ......
يزينب يحره صعوبه والصعوبه إتحمليها
بناتي أمانه رقيه بلأخص عينج عليها
زغيره حبيبه اريدج كل وكت ايدج بديها
عمرها ليالي دفنها بالخرابه أدري بيها
بنتي وتحبني لا تعاتبني من تفاركني
بكسرة الخاطر تبدي قصتنه
...... ...... ....... ....... .......
يزينب أخبرج مصيبتنه ولا صارت مثلها
ربابه يويلي تشاهد عالسهم باجر طفلها
صبرها تفقدها تناغيله وهوه إيباوعلها
وهيه سبيه وكأني عالهزل أنظر شكلها
هالطفل غالي منذبح تالي والمهد خالي
من جفن ساهر تبدي قصتنه
..... ....... ....... ......... ........
يزينب كفيلج اكيد عالنهر باجر أودعه
تراني اطيحن يخويه والشمر نحري يكطعه
ينادي يزينب دشوفي والرمح راسي يرفعه
ثكيله الحوافر ترضني وعلأرض جسمي توزعه
تهجم العسكر والخيم تسعر ياغلي احظر
ابقلة الناصر تبدي قصتنه
......... ...... ............... ............. ........
الشاعر/ السيد عبد الخالق المحنه
رد مع اقتباس