كلمات قصيدة طلعوا ماشاء الله
للرادود سيد فاقد الموسوي
طلعوا ماشاء الله
زوار لوجه الله
عالحب ماشين
زوار حسين
طلعوا ماشاء الله
هلا بأيام المشاية
هلا بالناس الوفاية
هلا بالماهد الراية
وفرح كلب حسين
هلا بالحب الجايبكم
كل ولاية ولايتكم
هلا بالكاع الشالتكم
يمكحلين العين
هلا بمعزبنا الوفاي
هلا بالجاي يوزع ماي
هلا بالخادم والمشاي
ياحياكم
اخدم واعرف كدرك زين
جاي تبرد گلب حسين
باجر يرجع هذا الدين
ياحياكم
گواك الله تلكاك
طلعوا ماشاء الله
زوار حسين
&&&&&&&&&&&&&
شكرا من المسبية
للفاتحله حسينية
ماقصرتوا عزوبية
وترفعون الراس
شكرا بالحب مجزية
للقوات الامنية
مشتركين بهالنّية
ويحفظكم عباس
شكرا للتخدم بالدار
شكرا للوكفت عالنار
وكفت تطبخ للزوار
واست زينب
شكرا للفقرة عالجود
ذولة الخدموا بالموجود
بس لحسين الخير يزود
واسوا زينب
زينب محد تنساه
طلعوا ماشاء الله
طلعوا ماشاء الله زوار لوجه الله
عالحب ماشين
زوار حسين
&&&&&&&&&&&&&&&&&
هلا بالاول والتالي
هلا بالرايح للغالي
راحتكم راحت بالي
تامرنا وخدام
زينب تبجي ملاكيتك
والخدام متانيتك
يابيت تطب بي بيتك
ومتناني من العام
للمشاي شكد تانيت
يابيت انت الطبيت
احسب روحك راعي البيت
يازايرنه
بين حزنك بالخطوات
شوف الشارع والرايات
احسب زينب وين تبات
يازايرنه
شأنك ربك علاه
طلعوا ماشاء الله
طلعوا ماشاء الله زوار لوجه الله
عالحب ماشين زوار حسين
&&&&&&&&&&&&&&&&&&&&&
كلبك خله ويه حسينك
جنه اطفاله متانينه
كل شوية وسد عينك
واذكر درب الشام
هاي الخطوة التمشيها
زينب كوه تعديها
نار مچلبه برجليها
وبركبتها ايتام
واذكر غاد شسووا غاد
من اسطوح الشام عناد
شمروا نار عالسجاد
ومجتفينه
وزينب فوك ظهور النوك
وراس حسين معلك فوك
طبوا بيهم نص السوك ومجتفينه
دوم الطف عيش وياه
طلعوا ماشاء الله
طلعوا ماشاء الله
زوار لوجه الله
عالحب ماشين
&&&&&&&&&&&&&&&&&&&&
كلهم قاموا بالواجب
هلا بالشاب وبالشايب
جرح حسين الماطايب
من خدمنا يطيب
يانسوان تلكنها
زينب ردت عيننها
امشن روحن واسنها
بلكت همها يطيب
بس تتعطل همها يزيد
درب الشام هواي بعيد
زينب تبجي وعدهم عيد
ياحسرتها
خل نتحزم يمها نروح
ترسوا كلب حسين جروح
ويهوسون عالمحذبوح
ياحسرتها
اخدم سويلك جاه
طلعوا مشاء الله
طلعوا ماشاء الله زوار لوجه الله
عالحب ماشين
زوار حسين
للرادود سيد فاقد الموسوي
كلمات الشاعر حمزة الحسناوي
تدوين علي الواسطي
للأستماع والتحميل mp3
للمشاهدة
رد مع اقتباس
المشاركة الأصلية كتبت بواسطة هيڤين '
