حسين مو عالفيس گاعدمن تروح وترجع
يسجل زياره
ولا يسجل اعجاب
لو ينطيك اشاره
ولو تخوط ابجدر قيمه
هذا معناه خذت ثاره
ولو تطبر بالمواكب
ينحسب دمك تجاره
حسين ثوره بكل صورهه
شمس ومبين نهاره
شراد منها وشنو الغايه.
والهدف
من عاف داره
يدري بحساب المعارك
معركه وبيها خساره
رادك تميز طريقك
اطه نحره واهل بيته
قرر ونفذ قراره
حسين كملها الرساله
بموقف الحق بجداره
مو بطر من عاف كلشي
وباع دمه
وشتره داره وقراره
حسين ابد ماراد منصب
لا طلع ياخذ وزاره
حسين عِبره
وبيها تتجسد
محطات انتصاره
حسين عَبره
وماجره بعاشر محرم
تبقى ناره
حسين تاريخ ومواقف
طرزت اكبر حضاره
حسين من شاف انحراف
بدين جده
قرر يعدل مساره
هذا درب حسين واضح
واليريد يرائي بالحب
ابد ماترهمله جاره
.... علي تكليف الصگبان
رد مع اقتباس