يحسين يابو احساسي
يا ابا عبدالله

افديك بهلي وناسي
يا ابا عبدالله

بس انت تاج براسي
يا ابا عبدالله


هنيالي چي صرتلك خادم
يا غالي عگلي يمك هايم
شباچك كعبه ونحج لازم
وترابك يسوه كل الوادم

بأبي انت وامي يا ابا عبدالله

ماعندي يمك غايه
ياابا عبدالله

يا صاحب المشايه
ياابا عبدالله

يكفيني عطر الرايه
يا ابا عبدالله

ماريده الما يريد حسيني
ماريده دينه مو يم ديني
لچفوفه ما امد چفيني
ماريده يحلم يحاچيني


بأبي انت وامي يا ابا عبدالله


هاي الوصيه بصوتي
يا ابا عبدالله

باچر اليحضر موتي
يا ابا عبدالله

خل يكتب بتابوتي
يا ابا عبدالله

لفوني لو متت بالرايه
وشيعوني بالمجالس هايه
وذكروني من تجي المشايه
وسوولي للحسين اقرايه

بأبي انت وامي يا ابا عبدالله

لو شفت دمعة غيري
يا ابا عبدالله

تكثر مثل تفكيري
يا ابا عبدالله

اعذرني عن تقصيري
يا ابا عبدالله

ماعوفه مجلسك ماعوفه
والراحت علهزل للكوفه
ملهوفه روحي الك ملهوفه
يلغيرك كل بشر ما شوفه

بأبي انت وامي يا ابا عبدالله

يلنشفتها ادموعي
يا ابا عبدالله

تنبض بنص ضلوعي
يا ابا عبدالله

انت اعرف بموضوعي
يااباعبدالله

ياروحي فدوه لاسمك روحي
يجروحي يا ضماد جروحي
مذبوحي ما عفت مذبوحي
كل نوحي بس الك كل نوحي


بأبي انت وامي يا ابا عبدالله


الشاعر سيد محمد الموسوي