هنا

[تاليا♪]

بصرف النظر عن كونها منتحرة أم مقتولة، ما دا تلاحظون أكو تضخيم لقضيتها ونشر مستمر بالاعلام والتواصل الاجتماعي؟ عشرات غيرها قتلوهن أو انتحرن ما اهتمو بقضاياهن مثل هالقضية، الموضوع بي احتمالين: لو أكو شي خطر يريدون يلهون الناس عنه ويمرروه -مثل خور عبد الله-، لو يريدون يسوووها شرارة لفتنة ونزاع داخلي أو صنيعة تشرين جديدة.
الله يرحم دكتورة بان وينتقم من قاتليها اذا مقتولة، بس الموضوع أبد مو مريح ولا وليد صدفة.

العفو بس شنو تقصد بصنيعة تشرين؟!!

[تاليا♪]

أخر أخبار قضية دكتورة بان
الجثة لم تدفن لحد الان والقبر هو مجرد قبر رمزي
تم فتح ملف القضية من جديد وسيكون في المحكمة الدولية

الخبر أكيد ♥️

[تاليا♪]

اني حسب متابعتي للموضوع والاحداث بدقه وبكل تفاصيل والنشر وكولشي ف ربطي للأحداث خصوصا بعد لقاء المحاميه رحاب العبوده.. قضيه بان صارت فعلاً واضحه كالآتي: بما انو رحاب اكدت المرحومه هيه الي جانت بلجنه التقييم للمجرم ضرغام التميمي( للي يكولون صغيره وميصير رئيس لجنه اله استشاريه ف ممكن كانت عضو باللجنه والقرار توقف عليهه لان مثل منعرف هيج لجان موبس رئيس لازم وياه اعضاء باللجنه وطبعاً ميقبل مجال للشك لان رحاب كانت محاميه قضيه المرحومه ساره ف اكيد كانت عدهه قرب ومعرفه بكل الاحداث واللجنه والتفاصيل الخاصه بقضيه موكلتهه المرحومه ساره) ف هنا شنو كلفو ناس مخصوص يطبولهه ينفذون الجريمه وبالوقت هذا تحديداً الي اخوها فقط وياهه بالبيت ليش؟؟ هسه حتكولون خو اذا همه بالدوله كان راسن دزلهه ناس بطلقه وحده يموتوها. راح اكولج لان همه رادو يخلوها تبين انتحار وبهالحاله راح تنعاد حكم المجرم ضرغام. اعتبار هيه منتحره وتعاني من امراض نفسيه بالتالي غير مؤهله للقرار بحق تقييم الصحه العقليه المجرم.. وهنا صار لهالشي لصالحهم لان اساسا هاي غايتهم الي هيه افلات ضرغام من حكم الاعدام….نجي ع موقف اهلهه..ليش سكتو؟ ليش كالو انتحار؟؟ لان بكل بساطه تهددو ويعرفون السالفه اذا كالو بتنه نقتلت هنا الناس شنو؟ راح تتهم اخوها اعتبار وحده جان وياهه بالبيت وكل الادله موجهه ضده( هاي اذا مو النفذو الجريمه همه نفسهم محتمل جبرو اخوها تحت التهديد يلزم احد اداوت الجريمه بالقرب منهه وصورو فديو..حتا ينشرو في حال اهلهه كالو قنل..هنا راح يبين هو. منفذ كل العمليه وراح يكون بنظر الكل هو القاتل).. ف جبروهم يكولون انتحار (يعني اهلهه كانو مجبرين بين تصريح قتل ويروح بيها ابنهم حتا لو هو بريء..او انتحار والي هو ينقذ ابنهم ويكون لصالح الطرف الاخر) حتا تكون القضيه لصالح ضرغام واسعد الزرباني ف هو الرادو الروس الكبار الانتحارررر وهو هالشي غايتهم وهو المطلوب…واخيراً خير دليل العيداني من بلحظه ترأس القضيه رغم هو سابقاً كومه قضايا صارت مادخل نفسه.. والاكثر من هيج بيوم واحد لزم القضيه بساعات فقط وصرحها انتحار.. بين قوسين كلشي مخطط اله…


م.

أتفق معك قلباً وقالباً

[تاليا♪]

هناك نقاط عديده تدل على قتلها وليس أنتحار
1_كيف أستطاعت قطع يدها الثانيه واليد الاولى الجرح عميق جدآ وحتى العصب والوريد يتوقف من الحركه
2_كيف أستطاعت المرحومه من المشي والكتابه بخط واضح (اريد الله)
3_ما سبب الاثار حول الرقبه وهناك كدمات في اماكن محدده
كل شخص يغض النظر عن دم المرحومه فهو مشترك في قتلها ويحاسب أمام الله
ولا يسعنا الا أن نقول حسبي الله ونعم الوكيل أذا كان يد في قتلها
ونسأل الله عز وجل أن يرحمها برحمته الواسعه بحق محمد وآل محمد

أضيف لكلامك الانتحار يكون بطريقة عرضية وليس طولية (حسب مادرسنا بالطب العدلي) والجروح تكون بيها حواف بسبب الالم والتردد اما جروح د.بان كانت مستقيمة
أثار الاغتصاب واضحة جداً
غسل موقع الجريمة وغسل الجثة وتبديل الملابس
وجود كدمات وسحجات (دليل انه كانت تدافع عن نفسها )

[تاليا♪]

شنو سالفة هاي د .

طبيبة أخصائية نفسية كانت مسؤولة عن كتابة التقرير مال ضرغام نسيب المحافظ اسعد العيداني اللي قتب استاذة جامعية في جامعة البصرة
طلبوا منها تكتب بالتقرير انه مريض نفسي حتى يتخفف عنه الحكم لكن هي رفضت وكتبت سليم
وبدأت تتهدد ومحاولات لاغراءها بالفلوس والخ
لحدما طبوا عليها للبيت قتلوها ومثلوا بجثتها وخلوا القضية تبين للرأي العام انه اخوها هو القاتل واهلها طلعوا بالتلفزيون يكولون هي انتحرت بسبب الضغوط النفسية

[تاليا♪]

احب اضيف نقطة... من صارت جريمة قتل من أحد العوائل المقربة مني ..كانت العائلة كلها في ضياع وتيه وعدم تقبل فكرة الموت لكن في نهاية المطاف لم يتمسك أحد بالقضية وبقت لحد الان مغلقة بسبب انتحار القاتل وقتها مع علم اخو المجرم بأنه سيقوم بالجريمة بقتل ابنه وزوجته وان ينتحر... ومنذ عامين ونصف ولحد يومنا هذا مازال التحقيق مغلق وقام اخ الضحية وأبناءه بغسل موقع الجريمة و اخذ محتويات المنزل بدون حق قانوني .. الاب انهار وبحالة نفسية سيئة واخواتها كذلك .. كل من في العائلة حاول أن ينتحر بعد تلك الحادثة .. بعد مرور عامين ونصف فقط الام من تحاول أن تفتح القضية.. لذى هناك أناس لهم نفسية عجيبة أن يتقبلون أملاك المجني عليهم من ذويهم بكل رحابة صدر وبعد مدة قليلة بل يتسابقون على اخذها .. الطمع والجشع يعمي القلب

ومن نستنتج انه مسرح الجريمة ماينغسل الا اذا جان المتورطين هم من الاقارب ( واني هنا اتهم اتهام مباشر خالها وزوجته)

[تاليا♪]

قضية وظفت للتسقيط السياسي وادخل فيها النسويات والمنظمات المشبوهة من خلال الضخ الإعلامي والنشر الذي لايتوقف لتعبئة وتهييج الشارع لغرض تصفيات سياسيه
البنيه منتحرة نقطة راس السطر .

مع جل احترامي لحضرتك لكن البشر الله نطاه عقل وعيون وضمير
والحليم تكفيه الإشارة

[تاليا♪]

محاولات مستميتة لأخفاء معالم الجريمة الواضحة لدرجة نائب اخذ صورة مشرطة من النت وقال انه المشرط الذي استخدمته المغدورة لانتحارها
استهتار بدماء بريئة أريقت ظلما وعدوانا
لا حول ولا قوة إلا بالله .. الله يرحمها ويحسن إليها ويجعل مثواها الجنة
يا رب عوض شبابها بجنة عرضها السموات والأرض وانتقم من كل من له يد في سلبها حقها في الحياة

أحب ابشرچ انه القضية راح تنفتح من جديد هالكلام وصلني من مصدر مؤكد ♥️

[تاليا♪]

انتة شفت جثتها لو من وحدك تكول منتحرة حدث العقل بما لايعقل

وبعدين هية بس النسويات لو الدنيا مكلوبة عليها الشك الي بيدها مستحيل تسويها بنفسها وآثار الضرب والكدمات والمقاومة والشعر الي بيدها مستحيل شعرها شعر شخص ثاني تابع القضية من بدايتها وشوف الفيديوهات اذا الك نفس بعد تكول منتحرة هوة بلعراق يكتلون بالعالم ويسويها قضية انتحار

https://www.instagram.com/reel/DNWqP...o2NHZjcnp0MXAw

للي يكول انتحار خلي يخاف الله لان باجر وراه حساب ومثل مكال انتحار واتهم المغدورة بشي ممسويتة راح يكون مجرم أمام الله كون مظلوم ولاتكون ظالم انتبهوا لكلامكم

♥️♥️♥️

[تاليا♪]

تره اسلوبج كله عاطفة وانفعال بلا دليل منطقي انتي تبنين كلامج على تصورات شخصية مو على تحقيق رسمي او ادلة موثوقة مو كل جريمة بالعراق تتحول تلقائيا الى مقتل ولا كل حالة وفاة تعتبر مؤامرة والاخطر انكم اتهمتوا اخوها وعائلتها بدون اي دليل ودمرتوا حياتهم وسمعتهم وهذا ظلم اكبر من الشي اللي تدعون تحاربوه وبالنسبة للجروح اكو هواي حالات موثقة لاشخاص منتحرين مسوين اكثر من هالشي بنفسهم يعني وجود الكدمات او جروح مو دليل قاطع على القتل اذا عدج ادلة واضحة روحي قدميها للقضاء اما تكرار فيديوهات وتفسيرات من السوشال ميديا ما يثبت شي بالعكس يخليج بعيدة عن الموضوعية

عفواً عن اي عاطفة تتكلم وعن اي نسوية ؟!!!
كل كلامك حتى تثبت انه العيداني ماله دخل بالسالفة