الوضع كالتالي
احنه بالقسم ما عدنه شغل اغلب الوقت
فصايرين مجاميع ، الحاسبات ما تشغل من بداية الدوام إلى أن تخرج من الدوام يعني تبقى طافية على طول لان ماكو شغل ، اللي يصير مجموعة تطلع تفتر بالدائره تضيع وقت بنهاية الدوام مجموعة تبقى مكنكة وتقلب بالهواتف ، مجموعة تنام من الملل ،
اني أيضا انعس اغلب الوقت وابقى على المنبهات حتى ما انام ، العقوله متوقفه ماكو اي تطور ماكو تحسن بالوضع ، اني على طول أبحث ادور شغلات تطور من الوضع اطبق بس توقفت لان ماكو واهس ، فكلت بما انو ماكو تحديات وماكو شغل ، ليش ما اطور نفسي من خلال شغل ثاني بنفس موضوع شغلنه هم افيد نفسي وهم افيد الدائره اذا اجه نفس الشغل ،،
اما اذا بقيت على الوضع الحالي وانو اني ما راح اشتغل
شنو تقترحون اسوي بوقت الفراغ اللي اصلا كله فراغ
حطو نفسكم بإمكاني
انام مثل البعض !
ابقى افتر بالدائره اضيع وقت !
لو اكضيه مكنكه والله يسهل إلى أن تتحجر عقولنه!
ملاحظه اني ما مقصره باي شي بشغلي
حتى لو مو شغلي هم اسوي
المهم شغل
ملاحظة أخرى اني إلى الآن ما مشتغلة شغل شخصي بحاسبتي ، وهسه ظهرتلي الفكره حتى اطور قدراتي .
رد مع اقتباس
