المشاركة الأصلية كتبت بواسطة محمد علي نعناع
السلام عليكم/
الآن وصلنا إلى الجارة الشرقية ايران ضمن سلسلة مواضيع جيران العراق وتأثيرهم السلبي على العراق..
إيران لها تاريخ طويل ومعقد مع العراق، فيه جوانب تعاون ودعم، وفيه أيضاً جوانب سلبية وتدخلات واضحة. نحن اليوم نريد ان نناقش بموضوعية: ماهي أبرز سلبيات التدخل الإيراني بالعراق؟ وماهو تأثيرها على الوضع السياسي، الاقتصادي، والاجتماعي؟
لكن قبلها فلنذهب هناك الى ايران ونعرف ماهي مشاكلها الداخلية حتى لايصور لنا البعض انها مدينة فاضلة والناس يعيشون برفاهية ورخاء..
اني كاعد سنتين هناك
اتحداك واتحدى كل الشعب العراقي ان يطلع كل اسبوع يروح ياخذ عائلته ويتونس
اتمنى اي احد ما عايش هناك ولايعرف الوضع هناك ما يسولف عن شي ما يعرفه
الناس يعيشون برفاهية ورخاء افضل من اغنى بلد عربي (واخص العراق)
اما مشاكلها الداخلية فالاجدر الانسان يحل مشاكله الداخلية اولا وبعدين يباوع على مشاكل بقية الناس
ميصير واحد بيته خربان وينتقد بيوت الاخرين
في ايران هناك تضخم مرتفع وبطالة متزايدة خصوصاً بين الشباب..
حيث ان العقوبات الدولية أثرت بشكل مباشر على الريال الإيراني (IRR)
اضف الى ان هناك تفاوت طبقي كبير بين طبقة حاكمة غنية وأغلبية شعبية فقيرة.
يا اخي منين جبت هالكلام ؟ انت شفت بعينك لو سولفولك؟
اولا لااكو تضخم ولا اكو بطالة على مدار السنتين الي عشتها هناك اني
الشباب كلها تشتغل وكلها عدها سيارات وبيوت وغاز وماء حلو للشرب
اكل متوفر خير من الله واكتفاء ذاتي
تضخم؟ بطالة؟ هاي بالعراق العظيم الحبيب والعقوبات ما اثرت بشكل سلبي بل اثرت ايجابيا بحيث جعلت من الشعب الايراني شعب منتج شعب جبار قاهر للظروف التي مر بها من اربعين سنة
والريال الايراني اثرت عليه امريكا واسرائيل والعرب يحاولون بشتى الوسائل ان يكسرون ايران لكن ان شاء الله ماتنكسر.
الطبقة الحاكمة الغنية الي تحجي عنها اولا موجودة بكل بلد
ثانيا ما شفت اني طبقة غنية اطلاقا كلهم سواسية بحيث ماتعرف المحافظ من صاحب المحل
كلهم لابسين نفس القميص ونفس الساعة وياكلون نفس الخبزة
شارعهم هيج يكول
مدير المطار سيارته بارس ماشفته صاعد مرسيدس احدث موديل
انتشار الفساد في مؤسسات الدولة والاقتصاد
فالحرس الثوري يسيطر على جزء ضخم من الاقتصاد والتجارة.
اثبت لي ذلك
ثم الحرس الثوري يمثل واجهة دفاعية عم بلدهم تريده شلون يعني مثلا يتقرض من السعودية؟
هم ناس مؤسساتيين عدهم مؤسسات تنتج سواء كان حرس ثوري او لاثوري. منين صنعو الباليستي يعني اخذو من روسيا لو من الامارات؟ لازم يكون الهم اقتصاد
مو مثل ربعنا باكو الاكو والماكو لفطوه
هناك احتجاجات شعبية متكررة بسبب الفقر والبطالة وارتفاع الأسعار وأزمة سكن وصعوبة المعيشة اليومية للمواطن.
اني جنت هناك بفترة الاحتجاجات
الحبايب يردن يتعرينن وبارات و ....... ودك وركص هذا مختصر الكلام لان شفت يعيني محد سولفلي
كله امبا..... المظاهرات شتتوقع يعني تظاهرو شلون وباي طريقة؟
ويسبون بالله وباهل البيت وبالاسلام
حتى الماعنده غيره هم تشيله الغيره على دينه ومذهبه هذا امر مفروغ منه وانت لازم تعرف هالشي
اما ناحية حقوق الإنسان والحريات
فهناك تقييد حرية التعبير والصحافة والإنترنت،اعتقالات واسعة للنشطاء والمعارضين،فرض قيود صارمة على النساء (الحجاب الإجباري وقيود على المشاركة السياسية والاجتماعية).
حقوق الانسان والحريات هناك محترمة اكثر من العراق والسعودية
الانترنت موجود مظاهرات موجودة والانترنت شغال
طبعا في حالة الاضطرابات يغلقون بعض التطبيقات وجانت كلها هم تشتغل باستخدام برامج ال VPN
والاعتقالات صارت من اسولف لباجر ماراح تقتنغ
الاعتقالات الصارت الناس تسب بالشوارع الاسلام والدين والعلماء وحتى احرقو ومزقو القران وهذا منتشر بفيديوات على النت اذا تحب تدور وتشوف بعينك شنو صار
شنو القيود الصارمة الي انفرضت على النساء
هم ارجع اكرر واعيد بعيني اشوف ومحد مسولفلي
المرة تحكم هناك عمي ههههههههههههههههه
الله وكيلك تحكم تجره من اذنه
وتلكاها طبيبة ومدرسة ومعلمة وضابط ومهندسة وطيار ومضيفة و و و و و
شتريد من حرية بعد
ها وتسوق سيارة منذ الازل وتسوق طيارة بينما بعض النسوة العربيات جانو يحلمون يسوقون بايسكل نايلون لعبه
بالمناسبة تره انت ماخذ فكرة معكوسة
عمي يلعبن طائرة بالشوارع والمتنزهات؟ عندك هيج بالعراق على اعتبار لاحتنه شضفة من الحرية والديييييمقراطية
ايضا من ضمن مشاكل ايران الداخلية
هناك أزمة مياه حادة نتيجة سوء الإدارة وبناء السدود، هناك تلوث الهواء في المدن الكبرى مثل طهران.
بروح معتقدك انت رايح للقاهرة؟ لو رايح لمكة لو الرياض ؟؟ لو بيروت؟
اني اختنك هناك الا البس كمامة.
طبعا تكون بطهران تلوثات عاصمة ومصانع وسيارات اكثر وعدد سكان اكبر
شنو نسيت اخر سنه والى الان مدى سوء التلوث بالعراق؟؟
بالنسبة لازمة المياه تره انت مشتبه؟ انت رايح لايران؟
شايف الخزانات على طول سكك القطارات ؟ اني بعيني شايف محد مسولفلي
اضف الى ذلك مياه الامطار الي تصير عدهم مايروح منها ولا قطرة لان كلها بسواجي وتروح للخزانات اذا رايح تعرف اني شحجي
بالعراق المااي ضال بالشوارع؟
واخيرا:
احتجاجات واضطرابات في مناطق الأكراد والبلوش والعرب الأهوازيين بسبب التمييز، وعدم المساواة في الحقوق والفرص.
هم شفت بعيني ومحد سولفلي
صدام جان يهجر اهل كركوك للجنوب واهل الجنوب يوديهم لكركوم وغيرها من الفعاليات النشطة من ابن صبحة المقبور
الاكراد انت سياسي وعندك خبرة سياسية هم يردون ينشقون ويصيرون بلد وحدهم بالعراق وسوريا وتركيا وايران من قامت الساعة
روح لمدنهم الشريطية اني شايف بعيني ههههههههههههه
كلهم اهل خير ومتونسين الاكراد اقصد
والبلوش همين عايشين بنعيم وافضل من عدنا تبقى نزوات التحرر والبحث عن الديمقراطية الي ما يعرفونها هم على اساس المفروض العراق يصير الهم عبرة في التحرر والحرية والديمقراطية والفضائح والسرقات والنهب والسلب الذي وضع اساسه الامريكان
اما بالنسبة للاهواز فمالهم اي حق لانهم بنعيم
فقط اجائهم تشوي مثل العراق
وتدعمهم السعودية والامارات وقطر مناك لان عدعم كعيده بالاهواز وهذا شي انت تعرفه
ثانيه وبعد عدهم اكبر واجمل الموانئ بالجنوب والمدن الراقية بحيث ماكو بيهه سيارة ايرانية خاف مارايح
عدهم مدينة كل سياراتها ياباني
إيران ليست دولة "متصالحة مع نفسها"، عندها صراعات ومشاكل داخلية كبيرة، ويجب ان لا نغفل عنها عندما نناقش علاقتها بالعراق.هذا معناه اننا قبل ان لا نرسم صورة مثالية عن إيران، لازم نعرف إنها دولة عندها أزمات داخلية عميقة ليست أقل من مشاكل أي بلد ثاني، وإذا أكو إيجابيات فهي لا تنفي هذه السلبيات..
هذا شي مفروغ منه استاذ محمد لكن افضل من بقية الدول المحاصرة لمدة انت حدد المدة من يمك
اما أبرز السلبيات الإيرانية على العراق:
اهم نقطة هي التدخل السياسي المباشر في العراق "دعم أحزاب وشخصيات موالية لإيران داخل العراق"
والتأثير على القرارات السيادية من خلال الضغط السياسي أو الحزبي.
نقطة اخرى النفوذ العسكري عبر الفصائل المسلحة حيث وجود فصائل مرتبطة بالحرس الثوري الإيراني.
تعدد مراكز القرار الأمني وضعف هيبة الدولة بسبب السلاح المنفلت..
من ضمن سلبيات ايران على العراق التبعية الاقتصادية إيران تغرق السوق العراقية بالبضائع الإيرانية الرديئة، مما أثر على الصناعة المحلية.
اعتماد العراق على استيراد الكهرباء والغاز من إيران، مما خلق حالة تبعية اخرى.
الان ناتي الى ملف المياه ايران تقوم بقطع أو تحويل مجاري بعض الأنهار القادمة من إيران إلى العراق (مثل نهر الكارون والزاب)، مما زاد أزمة الجفاف في العراق
محاولة ايران نشر التبعية الثقافية والطائفية من خلال بعض المؤسسات الإعلامية والدينية.
تغذية الانقسام الطائفي عبر دعم أطراف معينة على حساب وحدة المجتمع.
واخيرا ملفات الفساد وغسيل الأموال وهي كثيرة
يتم تهريب العملة الصعبة من العراق إلى إيران عبر مصارف وفصائل،وهذا يعني استنزاف الموارد المالية العراقية بسبب العقوبات على إيران واستغلال السوق العراقية كمتنفس..
اي اكو كثير من الامور الي ذكرتها
جيش العراق جان يكدر وحده يرد داعش؟
حتى لو الجيش العراقي البطل+الحشد المقدس
هم وحدهم ما يقدرون يصدون داعش
لان داعش تدعمه امريكا واسرائيل والسعودية وقطر والامارات وسوريا والاردن وتونس والجزائر والمغرب وخاف انسى دولة عربية ويزعلون مني اخوانا العرب
اقتصاديا يا اخي ميخالف روح استورد من السعودية والاردن وتركيا صدكني والله الفرحةر ماتلمني من تستورد من هالدول لان جاراتنا واخواتنا نكيفلهم بالخير
بس بروح ابوك بيش جبنة لورباك الاصلية لو بوك الاصلي؟ اذا تعرفلك كم واحد زنكين بالعراقيين مو كل الشعب زناكين ويكدر يسبح بحليب المراعي ويمشط بجبنة بوك ويشرب عصير حبيبات مدري شسمه
هاي حقائق لا اني ولا انت نكدر نغيرها قرب ايران ورخص اسعارر منتوجاتها كفيل بالاستيراد منها وصنع علاقات اقتصادية معها
تبييض الاموال بس ايران تبيض اموالك بيها؟
ليش ماحجيت عن الصفقات الي تبيضت بلبنان وبسوريا وبالاردن وبالامارات وبمصر؟
خصوصا بالفترة الاخيرة فترة الورق وصعود سعر الدولار
ارائكم بحيادية وشفافية واحب ان انوه ان موضوعي القادم سيكون عن سوريا وعلاقتها بالعراق وتأثيرها على أوضاعنا الداخلية.
صدقني ماحجيت كمحب لايران بل كشاهد عيان والله اعرف واعلم بذلك
رد مع اقتباس
، وهذا منطق أعوج.