اسافر للمدن بس نقط تفتيش
ادور عالصحابه وما مش أصحاب
جروح اعداي حاسبها خراميش
لچن حيل آلمني جروح الاحباب
لطبر الروح تطبير الدراويش
اخافاً ضل عضو ليهسه منعاب
گبل نبچي وتسكتنه الخراخيش
وبچينه اليوم دم والعين مرزاب
لملش الراس بعد الصار تمليش
واكفر بالمحبه وكل الاحباب
ع ضوء مشاركة نونا وأحمد للرائع صاحب الضويري
لهَسه وما عشَگنه اعليك
وانتَ الطوگ والمَحبس
يَطير المي يا نَورس
أغَنيلَك ، شَغنيلَك ؟
اغني شلون وانا أخرس !.
محسن الخياط
هَــلا بكل اليجن
والما يجن مـنك
يــ بعد الما يرمشن من يشوفنك
اعبرهن وارد
اطرد الفاتن طيف
المن ضالات الما يشبهنك
و تقربتّلك و أنتهت
كل القساوة العندي
مِن تِبتسم أنسى الحچي
و ما أعرف منِين أبدي
حَبيتك بگد ما چنت
خايف أظل لوحدي
وَتدري مّنك
لو تصَح كلَمة شلوُنك
چا گلتَلك انتَ لونيّ
وباهَتة سنين العُمر مِن بعد لوّنك
اصدمني
اريد انصدم
عشرتنه جانت
صدك لو تعتبر ونسه
هذا الاحساس الچنت
اتمنى ما أحسه .
..
شلت أيدي مَن عندك بعَد
سوي التريده مهنّه
اكعُد ونام ويَّ الغرب
ولساني اكصة وداعتك لو وّن عليك وغنى
ولا ترجع أدور صلُح من هلـ سوالف چفنة
دمعة احنة ! وطحنة بنُص بحر
لا تظن مدينة تلمنة
..
شما يحچون
عَن العينهُم حلوة
تِجي بِبالي
و أَضحك مِن يذكرونك
أَكو الحِلوة و أَكو الأَحلى
و أَكو عيونك
يالمخليني احِب الدنيا
حِبني اكثر
انا بعُيونك التميت
وجِنت مثل الهوى مطَشر
حَلاتك ماجزتني
منين ماصدلك حِلم يكبر
مرتاح يمك واحس
كل الخساير قبل
بيك الله عوضها
وكل نسمة منك
تهب تاخذني وياها
ومعذور اذا بالغت
زينات كل البشر
بيك الله خلاها
