ألف مودة تعدت عالگصيبة
وهي حل وشد
ألف مودة تعدت عالگصيبة
وهي حل وشد
وچنت وَين وهسه وَين
چان گلبي ولاية وحشة
والشعُور البيه طِين
هسه ديني رمُوش عَينك
مَالي وَي الناسَ دين
بخدمتك عمي شنهو تريد بس گول
اجيب اللي تريده صلالة بالإيد
واذا متريد كلشي گول هم صار
بخدمتك اجيب الكلشي متريد
مسح تحديد للكل آني سويت
واسمك هم بقى تعداه التحديد
وعدا صوتك نشاز بأذني اي صوت
وحتى الصرخة منك چنها تغريد
نعم غيرك أكو حلوين وهواي
لَچن بس أنت أصلي وهمة تقليد
- عبد الحسين الحلفي
حنطاوي وجهچ ينعشگ
وعيونچ تحلي الكحل
وشما كبر بيچ العمر
وجهچ مثل وجه الطفل
اشتهيتك بس اشتهيتك كاع
وامنيتي ازرع كل عمري بيك
يكفي الها دمع من متنك لرجليك
اعذرني جليل اتسودن انا عليك
- محسن الخياط
شجَاك تكبرت مِن گتلك أهواك
شكثِر غيرك أجو بس مَا شِفتهم
دگو باب گلبي وشلعو الـ باب
ولجل عينك أبد مَا دخلتهم
مُرَ عَلينا !
خل نلمّ احلامنَا ونحفُظ صوَرهن
گبل لا ياخذهِن بِدربه الفَجر
وخل نلمّ الباقيّات
سنيّني وسنينَك
نسويهن عُمر
و تقربتّلك و أنتهت
كل القساوة العندي
مِن تِبتسم أنسى الحچي
و ما أعرف منِين أبدي
حَبيتك بگد ما چنت
خايف أظل لوحدي
وَتدري مّنك
لو تصَح كلَمة شلوُنك
چا گلتَلك انتَ لونيّ
وباهَتة سنين العُمر مِن بعد لوّنك