احنا مو مثل الناس نحب ونروح
يبدي عدنا من نحب شوط المستحة

واحنا ما نخاف او نتفاخر بالجروح
احنا عزل وبقصر الحبيبةَ جيوش مسلحة

هي صعبة والخيل من ياخدها السروح
حست بالحرب مو على ارض مسطحة

طول بالك يا گلب ش يجني الينوح
هي طفل يبدي الخطأ و بالهدوء نصححة

وهذا الشعر عن اسرارة يمتة يبوح
اشو خلصت سنين العمر نخاف نسرحة

وافعالة غزتني وتجنبت افكار الفتوح
ولو صوبني بلغلط انا من يمي مسامحة

طول بالك يا عطر شبسرعة تفوح
ناس عدل تمشي اذا نتشت تگلب سايحة

واختبارات الگرب منك ما بيها وضوح
وما اصدك ناسك اليمك بمتحاناتك ناجحة

واريدك تعد وياي جم نفس باقي بالروح
خلصاً يحلما بيك وعلى اطباعك المجنحة

وعن يا جنح منهن يا گلب حابب تلوح
وهنة حسنهم عجب وظنونهم ناطحة

ولهذا احنا مو مثل الناس نحب ونروح
يبدي عدنا من نحب شوط المستحة

بقلم عبدالله محمد الشاووش