الثقه ابهذاا الزمان إجيب الهموم
وممكن روحك اتخون الأمانه!
.
نقطة ضعفك احذر تعرف الكوم
وكسرك / بالك اتدلي ابمكانه!
.
الكتمان أمان...الكلشي مرسوم
وبس المنكشف! حار ابزمانه!
.
حط الاحتياطك / ثاني مضموم/
حتى ابعثرتك,,, تبقه ابرزانه!
.
السانك حصانك..روضه للدوم
ترى يوكع الما روض حصانه!
.
جم حيد الصفه بالتربه مطموم
لأنه أسراره... كاشفهن لسانه!!
.
السكته البيها هيبه اتكسر الخشوم
وكثر الثرثره ...اتجيب الأهانه!
.
متنفعك القوه... وانته مفهوم
والنكشفن... فلا بيهن ظمانه!
.
الفرزنها عدل ..ما يسقط ابيوم
وأكبر جيش التسقطه الخيانه!!
أكبر جيش التسقطه الخيانه!!!
حسين االساعدي