هنا

[hamid noor alawady]

(مبارك ياحمد من صرت علامة)

الشاعر ثامر حموده ال مزيعل (1912_1988) شيخ قبيلة ال حسن في العراق والوطن العربي شاعر كبير قال جميع الوان الشعر ولكنه تميز بشعره الساخر والذي يتسم بالنقد اللاذع والبناء وهذه القصيدة قالها رحمه الله في بحق احد أصدقائه ويدعى (حمد) الذي ذهب في الستينات من القرن الماضي الى النجف الأشرف للدراسة الدينية وكان يرتدي العقال العربي وعاد اليهم بعد ثلاثة اشهر معمم فقال حموده عنه لطرفه فهو صديقه:

امبارك ياحمد من صرت علامه
وبدلت العكال بلبس العمامه

بدلت العگال البيه چنت محلاك
كسرته شلون كسره ومايله ليمناك
اشهالدولاب گلي الدولباك وجاك
ابن چكنوم غرك حسن هندامه

شگولن للي يگلي حمد شنهو الجاه
فطينه لو عوينه توافگت وياه
ثلث تشهر طبگ ماصارن لممشاه
وفرد طمسه طمس بالعلم للهامه

يگول بثلث تشهر كملن دروسي
قريت الأجروميه وصرت قاموسي
وهسه عمامته وبجامع الطوسي
يباحث والحنك مسدول جدامه

يا ساعي البريد الخط تحفظ بيه
واريد لشيخ عبدالمحسن توديه
واريدنك نيابه عني تهنيه
بتتويجه وتودي نسخه احكامه

وتدري وين جاعد من تجي تهنيه
متحنبط بجبه وبالصحن تلگيه
كل حچيه نحو والناس غوغه اعليه
مغطي دبلته وللسدر بحزامه

لف طول على راسه وطول لفه احزام
تدهمچ واليشوفه يشوف چومة خام
لا يهجع نهاره ولا بليل ينام
يطورد بالعجود اتگول حيامه

كلشي حسبت ماحسبيت بهاي
لن ملا حمد نحرير يفتي براي
چن طوله استكان وفوگه صحن الچاي
من ذب العگال وطس العمامه

هيه مصبغه وركضولك صبغ صبغوك
للألفيه متگلي شوكت قروك
مو صوچك تره صوچ الذي دلوك
وخلوك تهرف والليل متنامه
مبارك ياحمد من صرت علامه

[صقر عراقي]

(مبارك ياحمد من صرت علامة)

الشاعر ثامر حموده ال مزيعل (1912_1988) شيخ قبيلة ال حسن في العراق والوطن العربي شاعر كبير قال جميع الوان الشعر ولكنه تميز بشعره الساخر والذي يتسم بالنقد اللاذع والبناء وهذه القصيدة قالها رحمه الله في بحق احد أصدقائه ويدعى (حمد) الذي ذهب في الستينات من القرن الماضي الى النجف الأشرف للدراسة الدينية وكان يرتدي العقال العربي وعاد اليهم بعد ثلاثة اشهر معمم فقال حموده عنه لطرفه فهو صديقه:

امبارك ياحمد من صرت علامه
وبدلت العكال بلبس العمامه

بدلت العگال البيه چنت محلاك
كسرته شلون كسره ومايله ليمناك
اشهالدولاب گلي الدولباك وجاك
ابن چكنوم غرك حسن هندامه

شگولن للي يگلي حمد شنهو الجاه
فطينه لو عوينه توافگت وياه
ثلث تشهر طبگ ماصارن لممشاه
وفرد طمسه طمس بالعلم للهامه

يگول بثلث تشهر كملن دروسي
قريت الأجروميه وصرت قاموسي.ــــــــــــــــــ� �ـــــــــــــــــــــ قريت الاجرومية ؟.مافهمتها شنهي الاجرومية .؟
وهسه عمامته وبجامع الطوسي
يباحث والحنك مسدول جدامه

يا ساعي البريد الخط تحفظ بيه
واريد لشيخ عبدالمحسن توديه
واريدنك نيابه عني تهنيه
بتتويجه وتودي نسخه احكامه

وتدري وين جاعد من تجي تهنيه
متحنبط بجبه وبالصحن تلگيه
كل حچيه نحو والناس غوغه اعليه
مغطي دبلته وللسدر بحزامه

لف طول على راسه وطول لفه احزام
تدهمچ واليشوفه يشوف چومة خام
لا يهجع نهاره ولا بليل ينام
يطورد بالعجود اتگول حيامه

كلشي حسبت ماحسبيت بهاي
لن ملا حمد نحرير يفتي براي. ـــــــــــــــــــــــــ ــــ لن ملا حمد نحرير .ماعرفت شنهو (نحرير)
چن طوله استكان وفوگه صحن الچاي
من ذب العگال وطس العمامه

هيه مصبغه وركضولك صبغ صبغوك
للألفيه متگلي شوكت قروك
مو صوچك تره صوچ الذي دلوك
وخلوك تهرف والليل متنامه
مبارك ياحمد من صرت علامه
................
شكرا لك ياريت تنقلنا كل ماتعرفه من شعر الى ذاك الشيخ العظيم
قيل انه سريع البديهية وفطن الى درجة عالية رحمه الله .
شكرا لك يارائع