هنا

[صقر عراقي]

هذا سؤالي لايخص المؤمنين الملتزمين بصلاتهم مية مية .
اسئلتي للعلمانية فقط .
نعم كلنا مؤمنين والحمد لله لكن الفرق بالالتزام واحد منا واضع المنبه على دقائق العشرة قبل صلاة الصبح والاخر يصلي بالعشرة الصبح
لويطبكًها مع الظهر وبعضنا يصلي بالصدفة وحسب مزاجه واذا صار عصبي لاتذكر امامه شيء اسمه صلاة .ديربالك يظل يلعن ويشتم
وبعضنا يأمن بالله ورسوله حق معرفة لكن لايصلي ابداً
نحن متوحديم بالايمان مختلفين بالسلوك .
واسئلتي للماملتزمين .للذين يعرفون الله ورسوله العظيم محمد ص لكن لايسيرون على نهجه وكما راد لنا من سلوك دقيق .؟
..............
الان اسئل جماعتي اللذي مليئة خزانته بالنطرونات والى حبايبي المليئة غرفتها بالمكياج لما تتكلمون تتحنحنون
وتأخذون جلسة ملكية فلسفية من زواية الغرفة وتقولون الحياة حلوة .
بالله عليكم شنو الحلو بيها خلوني اتمتع معكم بهذة الحلاوة .
..............
انا قياسي على الحياة العلمانية .
مثل
اكاد اموت جوعا وعطشا .يعني بعد خمس دقائق اذا لم اكل واشرب اموت .
ويأتي احدهم ويعطيني أكله راقية مع بطل ماء بارد الله كم جميل هذا الشعور .
لكن اثناء مااشرب وآكل يقول لي لماتخلص راح نطلق عليك النار وتموت .؟
هاي اشلون اين الحلاوة والفرحة بين هذول الامرين .؟
.................
يالله اخوان واخوات انطوني الحلاوة من هذة الحياة الذي موعود ان اخرها اموت لامحالة .

[الرميثي]

الحياة الدنيا يا اخ صقر عراقي
تجمع المتناقضات
فهي تجمع ما بين الصحة والمرض
وتجمع ما بين الظلمة والضوء
وتجمع ما بين الليل والنهار
وتجمع ما بين الغنى والفقر
وتجمع ما بين الحزن والفرح
وتجمع ما بين الرفاهية والحرمان
وتجمع ما بين الراحة و الشقاء
وهذه المتناقضات تصيب المؤمن والكافر
فلا تستطيع ان تقول عنها انها حياة تعيسة
ولاتستطيع بنفس الوقت ان تقول عنها
انها حياة وردية و مثالية
اي بمعنى انها يوم من هذا ويوم من ذاك
وبشكل عام فيها توازن وعدالة

[صقر عراقي]

الحياة الدنيا يا اخ صقر عراقي
تجمع المتناقضات
فهي تجمع ما بين الصحة والمرض
وتجمع ما بين الظلمة والضوء
وتجمع ما بين الليل والنهار
وتجمع ما بين الغنى والفقر
وتجمع ما بين الحزن والفرح
وتجمع ما بين الرفاهية والحرمان
وتجمع ما بين الراحة و الشقاء
وهذه المتناقضات تصيب المؤمن والكافر
فلا تستطيع ان تقول عنها انها حياة تعيسة
ولاتستطيع بنفس الوقت ان تقول عنها
انها حياة وردية و مثالية
اي بمعنى انها يوم من هذا ويوم من ذاك
وبشكل عام فيها توازن وعدالة

وهاي ام التناقضات كيف تكون حلوة وممتعة .؟
.........
ماكتلي شنو هسة حلوة مرة .
............
اضرب لك مثلا .
العام الماضي رحت سفرة عشرت ايام مع حجز شقة مقدما الى (بورتريكا )
اعتقد تعرف بورتريكا وطريقة عيش اهلها .ماكو دين ماكو عشيرة وعمام وماكو رجل
متسلط على أمرأة .واتذكر بالايام العشرة ماسمعت اذان ولاصوت الله اكبر .؟
..............
وثاني يوم رحت سبحت بالمحيط .انا والمحيط شنهو عرفة ولفة بس اسمع بيه وحتى ماكنت اتصوره
اشلون يكون ماءه وكيف يطبق مع السماء عند النظر له من بعيد .
النتيجة كنت اسبح هناك .طبعا بالجرف ومابين دقيقة ودقيقة يضربني الروج واطلع من الموت باعجوبة .
يمكن صادف موسم تصادم الامواج .ماادري
المهم على اساس اتمتع بحلاوة الدنيا . تعرف شنهو السباحة بالمحيط ايام حرارة الشمس .
احم احم .هاي مااوصفها انت شوف السباحة على المحيط بالكوكل .
عود رحت اقلدهم ونمت بالشمس .كعدت مصخن ويومين نايم بالشقة ولما طلعت الصخونة ضربني صداع
وختمها الاسهال الحاد مدري شأكلت وماقبلته معدتي .
المهم خلصن ايامي معلعل محترك سلفاي .
زين لما صابني صداع وصخونة . هل يبقى شيء من متعت البحروهل هناك احساس بحياة حلوة
اشو خلصت اجازتي فقط ابحث عن علاج
واتمنى التعافي اين الحلاوة في هذة الحالة .؟

[الرميثي]

ماكتلي شنو هسة حلوة مرة .

لا
اشلون ما جاوبتك
مو كلتلك انها يوم من هذا ويوم من ذاك
وبشكل عام فيها توازن وعدالة

يعني انتة
رحت للبحر استمتعت في هذا اليوم
بالماء والخضراء والوجه الَحسِن
ثاني يوم تمرضت
النتيجة تعادل واحد واحد

[الرميثي]

تعرف شنهو السباحة بالمحيط ايام حرارة الشمس .
احم احم .هاي مااوصفها انت شوف السباحة على المحيط بالكوكل .
عود رحت اقلدهم ونمت بالشمس .كعدت مصخن ويومين
نايم بالشقة ولما طلعت الصخونة ضربني صداع
وختمها الاسهال الحاد مدري شأكلت وماقبلته معدتي .
المهم خلصن ايامي معلعل محترك سلفاي .
زين لما صابني صداع وصخونة .

هاي لانه سبحت بالمحيط صار بيك هيجي
لو سبحان بهور الجبايش ما كان صار بيك شي

[صقر عراقي]

لا
اشلون ما جاوبتك
مو كلتلك انها يوم من هذا ويوم من ذاك
وبشكل عام فيها توازن وعدالة

يعني انتة
رحت للبحر استمتعت في هذا اليوم
بالماء والخضراء والوجه الَحسِن
ثاني يوم تمرضت
النتيجة تعادل واحد واحد

ابوحسن
انا اعرف المر والحلو يكونان في ان واحد
مثلا
جاي تشربه مر شوية بعد شوية تحسسه حلو او العكس
اما انا بصحة جيدة وكَمز كالغزال وشوية بعد يصيبني مغص
وصخونة واخذ اسبوع ع الفراش
هل يبقى اثر للحياة الحلوة وانا الوج بروحي .

[صقر عراقي]

هاي لانه سبحت بالمحيط صار بيك هيجي
لو سبحان بهور الجبايش ما كان صار بيك شي

ابو حسن
هور الجبايش من تغط تكدر تشرب منه
بس المحيط تشبع ملح واذا عندك ضغط ممنوع عليك
ياخوية كطع زردومي .
الله لايوديك له
انه اكلك اخذ من المحيط اللي يتحرك على جرفه
والباقي شيل المحيط وذبه بالشط .