هنا

[ارجع يازمان]

*لغز يتحدث عن قصه مخفيه!
بعد الفلكه ابقطاعين ---اكبال الساحه المفتوحه@
راح اتلاكي اسهام العين / الواحد مغرور ابروحه
برموشه ايحد السجين ---ويتمرجح بالمرجوحه!
واكباله اتشاهد مسكين--
من دمعاته المفضوحه!
امضيع من عمره اسنين--
وكاعد يحسب بجروحه!!
ايفرزن بس بالتخمين--ايدور اللجمه المملوحه!!
دافن سره اويه الميتين!-وخايف عثراته اتبوحه!
لازم ألكه ابهل صوبين..
اليحجي الكذبه المسموحه
وانطيه لوحه ابين اثنين!!
ويرسم رسمه الهل لوحه!
يارسام وشاعر زين!!--ايرجع الفرحه الممسوحه!
رايد حل البي تمكين!--الهاي القصه المطروحه!
الذابح واحد! رايح وين!--وما رد يدفن مذبوحه!
الزفه اتلاكت ويه البين---اثنين الناووين الروحه!!
واحد بفراش امعرسين!---- إواحد نايم عاللوحه!!
رايد ضحكه اتوفي الدين--
وتمسح دمعه المسفوحه!
هسه و هسه ومو بعدين--
اتخلي الأفراح اتلوحه!
ولتكلي اشجابك يحسين--- الهلبلوه الما مشروحه!
لتكلي اشجابك يحسين--- الهلبلوه الما مشروحه!
حسين االساعدي