صلِي يا وطن
عالدين عالقرآن
صلاة الميت واجب
ماتريد آذان
ودفن كل حياك
ابگبر لو سرداب
وقره الفاتحه
ورد غطه بالتربان
كلشي بهالوطن
مبيوگ لو مبيوع
ماظل شي بعد
ومفلهد السلطان
مو لازم أمبرد..
عذب ماي الكوز
شمحلاهه المهفه
لو جنت عرگان
نشف ماي الفرات
وبان فطر الگاع
وزنود الفلح
بالگيظ نص أردان
حلم
وسنين يوسف
عالوطن سبعين
لا سبعه ويمرن
واليجنه اسمان
اسد هذا العراق
وطاح بين انياب
مليانه حقد
ووجوه سبع ألوان
أسمك بالحصاد
ومنجلك مكسور
لازرعك جنيته
وبس هشت بلسان
ذبيحه اتفرهدتْ
كلمن اخذله اكراع
وتجسم لحمهه
ابين حان ومان
من كل صوب
وانت معضعض او مصيوب
وطعنات الربع
برماح وبعمدان
گبل وي شيخ واحد
شامخ ومهيوب
من صارت اشيوخ
اتفرهد الدكان
يل تاريخ مجدك
عابر الصوبين
ماتحتاج شاهد
اسمك العنوان
علي تكليف الصگبان
رد مع اقتباس